ចម្រៀងដើមរបស់អ្នកស្រី ហ៊ឹម ស៊ីវន ចំណងជើង “មហាសណ្តំ” កំពុងវាយលក់នៅក្នុងបណ្តាញសង្គមជាខ្លាំងមិនថា TikTok ឬ Facebook នោះឡើយ។
មួយឃ្លាដែលចាប់អារម្មណ៍ខ្លាំងនោះគឺ “ឃើញហើយស្អាតណាស់ ព្រះម្ចាស់ថ្លៃអើយ តើប្រុសត្រាណត្រើយ មកពីឋានណា? ស័ក្ដិសមគ្រឿងទ្រង់ ដូចអង្គក្សត្រា វង្វេងអាត្មាក្នុងព្រៃឯកអង្គអើយឯកអង្គ” ដោយសារតែ CEO Yuth ជាអ្នកលក់អនឡាញម្នាក់ មានឈ្មោះលើ Facebook ថា Oun Sart និងឈ្មោះ Tiktok ថា ច័ន្ទ ដារ៉ាយុទ្ធ (Oun Sart) បានបង្ហោះវីដេអូរបស់ខ្លួន ដោយភ្ជាប់ជាមួយនឹងបទចម្រៀង មហាសណ្ដំ។
គ្រប់ពេលឱ្យតែឮមួយឃ្លាខាងលើនេះ គ្រប់គ្នាមិនថាចាស់ក្មេងតែងតែនឹងឃើញដល់អ្នកដែលយកវីដេអូនេះមកដាក់ក្នុងវីដេអូ គឺលោក ច័ន្ទ ដារ៉ាយុទ្ធ (Oun Sart) នេះតែម្តង។
គួរបញ្ជាក់ផងដែរថា កាលដែលយកបទពីដើមរបស់លោកស្រីហ៊ឹម ស៊ីវន មកនេះ បានធ្វើឱ្យកេរ្តិ៍ឈ្មោះរបស់លោកស្រី និងបទមហាសណ្តំដែលបានច្រៀងតាំងពី២០ឆ្នាំមុនមានភាពល្បីល្បាញមកវិញផងដែរ៕
