កាលពីយប់មិញ ក្រុមគោព្រៃកម្ពុជា បានទទួលរងបរាជ័យក្រោមថ្វីជើងក្រុមបង់ក្លាដេស ក្នុងលទ្ធផល១-០ នៅពហុកីឡដ្ឋានមរតកតេជោ។
នៅក្នុងអ្នកគាំទ្ររបស់កម្ពុជា ក៏បានឃើញវត្តមាន និងទម្រង់លេងរបស់កីឡាករកូនខ្មែរ-អាមេរិក នី កូឡាស់ ឌឿង ដែលបានផ្លាស់ប្តូរចូលនៅតង់ទី២ នាទី៥៩។
ក្រោយពីបានឃើញទម្រង់លេងរបស់ នី កូឡាស់ ឌឿង រួចហើយ បងប្អូន និងអ្នកគាំទ្របាល់ទាត់កម្ពុជា ហាក់សម្តែងការពិតចិត្តជាខ្លាំង ដោយម្នាក់ៗសរសើរមិនដាច់ពីមាត់។
ក្រោយតែពីបញ្ចប់ការប្រកួត នី កូឡាស់ បានលើកឡើងថា៖ “ខ្ញុំពិតជាមោទនភាពខ្លាំងណាស់ ក្នុងការលេងឲ្យប្រទេសរបស់ខ្ញុំ។ ខ្ញុំសង្ឃឹមថា ខ្ញុំនឹងអាចបង្ហាញខ្លួនឲ្យជម្រេីសជាតិបន្តទៀត នៅក្នុងពានរង្វាន់ AFF Mitsubishi Electric Cup”៕
