មនុស្សជាច្រើនប្រាកដជាស្គាល់ច្បាស់ហើយអំពីផ្លែម្រះ ដែលវាជាបន្លែមួយប្រភេទដ៏ពេញនិយមក្នុងតំបន់អាស៊ី ។ ថ្មីត្បិតតែផ្លែម្រះមានរសជាតិល្វីងបន្តិចក៏ពិតមែន ប៉ុន្តែវាមានផ្ទុកនូវសារធាតុចិញ្ចឹម និងវីតាមីនជាច្រើនសម្រាប់រាងកាយ មិនតែប៉ុណ្ណោះផ្លែម្រះក៏ត្រូវបានគេយកទៅព្យាបាលជំងឺមួយចំនួនទៀតផងដែរ ។
ជាមួយគ្នានេះក៏ត្រូវបានគេដឹងបន្ថែមទៀតថា ការទទួលទានផ្លែម្រះជារៀងរាល់ព្រឹក ពេលភ្ញាក់ពីគេង បានផ្តល់អត្ថប្រយោជន៍ជាច្រើនចំពោះសុខភាពរាងកាយ រួមទាំងជួយបញ្ចុះសម្ពាធឈាម និងធ្វើឱ្យសុខភាពស្បែកប្រសើរឡើងថែមទៀតផង ។
យ៉ាងណាមិញបើយោងទៅតាមការសិក្សាជាច្រើនបានបង្ហាញឲ្យដឹងថា ប្រសិនបើអ្នកធ្វើការទទួលទានផ្លែម្រះក្នុងរយៈពេល៧ថ្ងៃ នោះរាងកាយអ្នកនឹងទទួលបាននូវអត្ថប្រយោជន៍ជាច្រើនដូចខាងក្រោម៖
– ជួយកាត់បន្ថយជាតិស្ករក្នុងឈាម
បើយោងទៅតាមការស្រាវជ្រាវជាច្រើនបានបង្ហាញថា ការទទួលតានទឹកម្រះជារៀងរាល់ថ្ងៃអាចជួយគ្រប់គ្រងកម្រិតជាតិស្ករក្នុងឈាម។ ដោយនៅក្នុងផ្លែម្រះមានផ្ទុកសារធាតុសំខាន់ៗចំនួនបីដែលត្រូវបានបង្ហាញថាមានលក្ខណៈសម្បត្តិបញ្ចុះជាតិស្ករគឺ polypeptide-p, charantin និង vicine ។
លើសពីនេះវាក៏នេះមានសារធាតុផ្សំមួយចំនួនទៀតនៅក្នុងទឹក karela ដែលអាចជួយការពារ និងថែមទាំងបង្កើតឡើងវិញនូវកោសិកានៅក្នុងលំពែងរបស់អ្នក ដែលជាសរីរាង្គដែលទទួលខុសត្រូវចំពោះការបញ្ចេញអាំងស៊ុយលីនផងដែរ ។
