ផ្ទៃមុខ គឺជារឿងដ៏សំខាន់បំផុតមួយសម្រាប់មនុស្សគ្រប់គ្នា ដែលត្រូវការយកចិត្តទុកដាក់ឲ្យបានល្អបំផុត ។ ហើយថ្ងៃនេះ KBN យើងសូមលើកយកនូវវិធីសាស្រ្ដសាមញ្ញមួយចំនួនមកបង្ហាញជូនប្រិយមិត្តទាំងអស់គ្នា ជាពិសេសនោះគឺសុភាពនារីដែលចង់ទទួលបានផ្ទៃមុខសម៉ដ្ឋរលោងមិនគួររំលងឡើយ ។
– រមៀតទឹកឃ្មុំ
រមៀតត្រូវបានគេដឹងថា មានផ្ទុកនូវសារធាតុ Curcumin ដែលត្រូវបានគេស្គាល់ថាជាសារធាតុប្រឆាំងអុកស៊ីតកម្មធម្មជាតិខ្ពស់ និងប្រឆាំងនឹងការរលាក។ នៅពេលលាបលើស្បែក រមៀតអាចជួយព្យាបាលមុន និងព្យាបាលការខូចខាតនៅលើផ្ទៃមុខ។ ប៉ុន្តែប្រសិនបើអ្នកមានស្បែកងាយប្រតិកម្ម យកល្អគួរតែសាកល្បងវានៅលើតំបន់តូចមួយនៃស្បែកមុនពេលលាបលើមុខរបស់អ្នក។
ជាមួយគ្នានេះចំពោះវិធីសាស្រ្ដធ្វើឱ្យផ្ទៃមុខសតាមបែបធម្មជាតិនោះគឺ ៖ លាយម្សៅរមៀត ១ស្លាបព្រាបាយ និងទឹកឃ្មុំ ១ស្លាបព្រាបាយ ដើម្បីបង្កើតជាល្បាយម្សៅលាបនៅលើផ្ទៃមុខ ទុកចោលរយៈពេល 15 នាទី បន្ទាប់មកលាងសម្អាតមុខទុកឱ្យស្ងួត រួចលាបក្រែមផ្តល់សំណើម។
– ប្រទាលកន្ទុយក្រពើ
ប្រទាលកន្ទុយក្រពើ ត្រូវបានគេដឹងថាសម្បូរទៅដោយវីតាមីន A និង E សារធាតុប្រឆាំងអុកស៊ីតកម្ម និងអង់ស៊ីមដែលមានសុខភាពល្អ។ ដោយអ្នកអាចប្រើប្រទាលកន្ទុយក្រពើ ដើម្បីបំបាត់ស្បែកដែលរលាកដោយសារកំដៅថ្ងៃ ដើម្បីបង្កើនប្រសិទ្ធភាពសំណើម។
វិធីសាស្រ្ដក្នុងការធ្វើគឺ ៖ កាត់ប្រទាលកន្ទុយក្រពើចេញ ដោយយកតែសាច់សខាងក្នុងដើម្បីកុំឱ្យរមាស់ ហើយយកមកធ្វើការលាបលើមុខដោយផ្ទាល់ ទុកចោល៥ ទៅ១០នាទី រួចលាងទឹកចេញ។
