បើចង់បានរាងស្អាត ដាច់ខាតកុំរំលងអាហារពណ៌ត្នោតទាំងនេះឲ្យសោះ !

មនុស្សជាច្រើនបានធ្វើការជ្រើសរើសនូវវិធីសាស្រ្ដក្នុងការផ្លាស់រាងកាយរបស់ខ្លួន ដោយការតមអាហារ និងប្រើប្រាស់នូវអាហារបំប៉ន ក៏ដូចជាប្រើប្រាស់ថ្នាំមួយចំនួនដើម្បីទទួលបានរាងស្អាតផងដែរ។ តែយ៉ាងណាមិញ ពួកគេមិនបានដឹងទេថា អាហារធម្មជាតិដែលយើងបរិភោគជាប្រចាំថ្ងៃមួយចំនួន ក៏មានគុណសម្បត្តិក្នុងការជួយឲ្យអ្នកទទួលបានរាងស្អាតផងដែរ ជាពិសេសសម្រាប់អ្នកសម្រកគីឡូ ដោយពួកគេតែងតែមើលរំលង​។​

ខាងក្រោមនេះគឺជាអាហារពណ៌ត្នោតមួយចំនួន ដែលជួយឲ្យអ្នកស្រកទម្ងន់បានយ៉ាងមានប្រសិទ្ធភាព៖

• មើមខ្ញី

ខ្ញី មានសមាសធាតុជាច្រើនដែលជួយឱ្យរាងកាយមានសុខភាពល្អ ប្រឆាំងជំងឺ ជាពិសេសជួយដល់ការសម្រកទម្ងន់ ដោយការប្រើប្រាស់ខ្ញីស្រស់ ឬតែខ្ញីគឺសុទ្ធតែមានប្រសិទ្ធភាពដូចគ្នា។ នៅក្នុងខ្ញីមានសមាសធាតុ 2 គឺ gingerol និង shogaol ដែលរួមផ្សំជាមួយនឹងរសជាតិហឹរ មានប្រយោជន៍ក្នុងដំណើរការដុតបំផ្លាញជាតិខ្លាញ់។ ដូច្នេះអ្នកក៏គួរតែទម្លាក់ដាក់ខ្ញីពីរបីចំណិតចូលនៅពេលចំអិនអាហារ ដើម្បីស្រូបយកអត្ថប្រយោជន៍ដ៏អស្ចារ្យនេះផងដែរ។

• គ្រាប់ Walnut

ផ្លែ Walnut បានក្លាយជាការពេញនិយមមួយនាពេលបច្ចុប្បន្ននេះ។ ប្រសិនបើអ្នកកំពុងព្យាយាមសម្រកទម្ងន់ ប៉ុន្តែមានចំណង់ចង់ទទួលទានអាហារសម្រន់ នោះគ្រាប់ Walnut គឺជាជម្រើសដ៏ល្អឥតខ្ចោះ ព្រោះតែវាផ្ទុកនូវខ្លាញ់ polyunsaturated fats ដែលជួយឱ្យអ្នកមានអារម្មណ៍ឆ្អែតបានយូរ និងកាត់បន្ថយការឃ្លានអាហារបានយ៉ាងល្អ។

• ក្លិនឈើអែម (cinnamon)

គឺជាគ្រឿងទេសមួយប្រភេទដែលមានអត្ថប្រយោជន៍ជាច្រើនចំពោះសុខភាព។ បើយោងតាមក្រសួងកសិកម្មសហរដ្ឋអាមេរិក (USDA)បានបង្ហាញឲ្យដឹងថា ការទទួលក្លិនឈើអែម ១ស្លាបព្រាបាយ បានផ្ដល់ឲ្យរាងកាយទទួលបានសារធាតុចិញ្ចឹមជាច្រើនសម្រាប់សុខភាព និងជួយប្រឆាំងជំងឺជាច្រើនដូចជា គ្រប់គ្រងជាតិស្ករក្នុងឈាម សម្រួលចរន្តឈាម ល្អសម្រាប់បេះដូង… ។ លើសពីនេះក្លិនឈើអែម ក៏មានសមត្ថភាពគ្រប់គ្រងទម្ងន់ និងជួយសម្រកទម្ងន់បានលឿនផងដែរ។

ជាងនេះទៅទៀតបើយោងទៅតាម ​​USDAបានបង្ហាញឲ្យដឹងថា សមាសធាតុ hydroxycinnamaldehyde ដែលមាននៅក្នុងក្លិនឈើអែម ក៏មានសមត្ថភាពក្នុងការជួយការពារការរលាក និងការពារជាតិខ្លាញ់ពីការប្រមូលផ្តុំនៅក្នុងឈាម កាត់បន្ថយខ្លាញ់ក្បាលពោះ បញ្ចុះកូឡេស្តេរ៉ុលក្នុងឈាម និងការពារខ្លាញ់ក្នុងឈាមយ៉ាងមានប្រសិទ្ធភាព។