ផ្ទៃមុខ គឺជាកន្លែងដ៏សំខាន់មួយនៃរាងរបស់មនុស្សគ្រប់គ្នា ជាពិសេសសម្រាប់សុភាពនារី ។ ប្រសិនបើផ្ទៃមុខរបស់អ្នកកើតមុននោះ វាគឺជាបញ្ហាដ៏ធ្ងន់ធ្ងរមួយដែលជាហេតុធ្វើឲ្យពួកគេស្វែងរកវិធីសាស្រ្ដក្នុងការបំបាត់វា ។ ហើយថ្ងៃនេះ KBN យើងនឹងធ្វើការបង្ហាញជូនប្រិយមិត្តទាំងអស់គ្នា អំពីភេសជ្ជៈសុខភាពមួយចំនួន ក៏ដូចជាជួយកាត់បន្ថយការកើតមុនផងដែរ ។ តោះមិត្តនារីដែលមានបញ្ហាមុន មិនថាកើតមុនពេញផ្ទៃមុខ ឬតែប៉ុន្មានគ្រាប់ អាចសាកល្បងជាមួយនឹងភេសជ្ជៈទាំងនេះដើម្បី បន្ថែមពីលើការកាត់បន្ថយបញ្ហាមុន កាត់បន្ថយការរលាក ព្រមទាំងជួយប្រឆាំងនឹងបាក់តេរីនៅក្នុងខ្លួនផងដែរ។
ខាងក្រោមនេះគឺជាភេសជ្ជៈដែលជួយបំបាត់មុនយ៉ាងមានប្រសិទ្ធភាព ៖
– តែបៃតង
តែបៃតង ត្រូវបានគេដឹងថាវាសម្បូរទៅដោយ epigallocatechin gallate ដែលជាសារធាតុជួយប្រឆាំងរ៉ាឌីកាល់សេរី ព្រមទាំងមានសមត្ថភាពការពារមិនអោយកើតមុន ។ ជាមួយគ្នានេះវាក៏ជួយកាត់បន្ថយការផលិតសារធាតុ sebum ដែលបណ្តាលអោយកើតមុនផងដែរ។
– ទឹកដោះគោរមៀត
ទឹកដោះគោរមៀត Turmeric milk ត្រូវបានគេស្គាល់ផងដែរថា ជាភេសជ្ជៈមួយប្រភេទដែលគេលាយប្រើរមៀតជាមួយទឹកដោះគោ ហើយវាមានគុណសម្បត្តិដ៏ច្រើនលើសលប់ចំពោះសុខភាព ។ ដូចជាមានលក្ខណៈសម្បត្តិប្រឆាំងនឹងការរលាក និងជួយប្រឆាំងនឹងការកើតមុនផងដែរ ដោយសារតែរមៀតគឺជាឱសថដែលជួយប្រឆាំងនឹងរ៉ាឌីកាល់សេរី ប្រឆាំងនឹងការរលាក និងជួយប្រឆាំងនឹងផ្សិតដែលសាកសមបំផុតសម្រាប់ស្រ្ដីយកមកប្រើប្រាស់សម្រាប់ជំនួយដល់ស្បែក ។
– ទឹកដោះគោKefir
ទឹកដោះគោ Kefir ត្រូវបានគេស្គាល់ថា ជាទឹកដោះគោមួយប្រភេទដែលមានជាតិ fermented ប្រភេទដូចគ្នាជាមួយនឹងទឹកដោះគោជូរ ហើយសម្បូរទៅដោយសារធាតុ probiotics ដែលសារធាតុចិញ្ចឹមប្រភេទនេះមានសមត្ថភាពក្នុងការជួយប្រឆាំងនឹងបាក់តេរីមិនល្អ កាត់បន្ថយការរលាក ព្រមទាំងកាត់បន្ថយការកើតមុនដែលរលាកបានយ៉ាងល្អផងដែរ។
