ការគាំទ្រដ៏ច្រើនលើសលប់របស់យុទ្ធនាការ “ចាប់ផ្តើមដើម្បីជីវិតកាន់តែប្រសើរ-Jumpstart A Better Life” របស់ AIA Cambodia ចូលរួមបង្កើតស្នាមញញឹមដល់កុមារកម្ពុជា និងបានបំបែកកំណត់ត្រានៅលើ​ Asia Book of Records

ភ្នំពេញ ថ្ងៃទី 07 កញ្ញា 2022៖ យុទ្ធនាការ “ចាប់ផ្តើមដើម្បីជីវិតកាន់តែប្រសើរ-Jumpstart A Better Life” របស់ក្រុមហ៊ុនធានារ៉ាប់រងអាយុជីវិត AIA Cambodia បានបញ្ចប់ ​ ជាមួយថវិកាសរុប 10,000ដុល្លារ បានបរិច្ចាគដល់អង្គការ ផ្កាយសមុទ្រ។ ហើយអ្វីដែលគួរឲ្យកត់សម្គាល់បន្ថែមទៀតនោះ គឺការបង្ហាញរូបសិល្បៈ “ស្នាមញញឹមនៃក្តីសង្ឃមឹ” ដ៏ធំ ដែលផ្គុំចេញពីរូបថតអ្នកចូលរួមលោតទាំងអស់ក្នុងយុទ្ធនាការនេះ និងលិខិតបញ្ជាក់ បំបែកកំណត់ត្រាលើ Asia Book of Records។

យុទ្ធនាការនេះ បាន​ស្នើ​ឱ្យ​ប្រជាជន​កម្ពុជា​ចូលរួមបង្ហោះ​រូបថតលោត​នៅលើហ្វេសប៊ុកជាមួយ​នឹង hashtage #JumpstartABetterLife ដើម្បីបង្ហាញពីការប្តេជ្ញាចាប់ផ្តើមទម្លាប់ល្អថ្មីៗ អភិវឌ្ឍខ្លួន ក៏ដូចជាគំរូដល់មិត្តភក្តិ គ្រួសារ និងសហគមន៍​ ហើយផ្នែកមួយនៃយុទ្ធនាការនេះជាកម្មវិធីសប្បុរសធម៌ផងដែរ។​

រាល់អ្នកចូលរួមយុទ្ធនាការនេះទាំងអស់ AIA Cambodia បានបរិច្ចាគថវិកាចំនួន 1,000 រៀល ជំនួសឲ្យអ្នកចូលរួមលោតម្នាក់ ដែលថវិកាបរិច្ចាគទាំងអស់នឹងយកទៅគាំទ្រកម្មវិធីសិក្សា​សិស្សថ្នាក់ពន្លឿន ផ្គត់ផ្គង់អាហារ និងសម្ភារៈសិក្សាជាដើម។

ជាចុងបញ្ចប់នៃយុទ្ធនាការនេះ អ្នកចូលរួមសរុបមានចំនួន 30,000 នាក់ ដែលតួលេខនេះបានបង្កើតកំណត់ត្រាលើប្រភេទ “រូបថតអ្នកចូលរួមលោតច្រើនជាងគេ”។ ដើម្បីថ្លែងអំណរគុណដល់ទឹកចិត្តសប្បុរសរបស់អ្នកចូលរួមទាំងអស់ក្នុងការបង្កើតស្នាមញញឹមដល់កុមារ និងសមិទ្ធិផលនៃការបង្កើតកំណត់ត្រានេះ AIA Cambodia បានប្រើរូបថតរបស់ទាំងអស់​ដើម្បីផ្គុំចេញ​ជារូបសិល្បៈ “ស្នាមញញឹមនៃក្តីសង្ឃឹម”។

យុទ្ធនាការ “ចាប់ផ្តើមដើម្បីជីវិតកាន់តែប្រសើរ-Jumpstart A Better Life” រយៈពេលមួយខែកន្លងទៅនេះ បានលើកទឹកចិត្តប្រជាជនកម្ពុជាឱ្យចាប់ផ្តើមទម្លាប់ល្អថ្មីៗ ដើម្បីអភិវឌ្ឍខ្លួន និងក្លាយជាគំរូដល់ក្រុមគ្រួសារ មិត្តភក្តិ និងសង្គម។ ទន្ទឹមនឹងនេះផងដែរ យុទ្ធនាការនេះបានចាប់ដៃគូជាមួយអង្គការ ផ្កាយសុមទ្រ ដើម្បីជួយកុមារកម្ពុជាដែលប្រទះបញ្ហាជីវភាពបានទទួលការសិក្សា ឬបន្តការសិក្សារបស់ពួកគេឡើងវិញ។​ បន្ថែមពីនេះទៀត កម្មវិធីបរិច្ចាគនេះ ​នឹង​រួម​បញ្ចូល​ទាំង​ការគាំទ្រផ្នែកចំណីអាហាររូបត្ថម្ភ ថ្នាក់ពន្លឿនពិសេស ឯកសណ្ឋាន ឧបករណ៍ IT ព្រម​ទាំង​ផ្តល់​ជំនួយ​ដល់​គ្រួសាររបស់កុមារទាំងនោះ​ផង​ដែរ។

យុទ្ធនាការ “ចាប់ផ្តើមដើម្បីជីវិតកាន់តែប្រសើរ – Jumpstart A Better Life” ត្រូវបានគាំទ្រយ៉ាងពេញទំហឹងពីសាធារណជនគ្រប់មជ្ឈដ្ឋាន។ ទាំងនេះរួមមានកីឡាករ Harry Kane របស់ Tottenham Hotspur កីឡាករ Eric Dier និងកីឡាករផ្សេងទៀតរបស់ក្លឹប កីឡាករបាល់ទាត់ល្បីឈ្មោះមកពីលីគកំពូលកម្ពុជា សិល្បករក្នុងស្រុក និងតារាល្បីៗ អ្នកដឹកនាំ និងថ្នាក់គ្រប់គ្រងរបស់ AIA Group ផងដែរ។

យុទ្ធនាការនេះស្របតាមគោលបំណងសំខាន់របស់ AIA Cambodia ក្នុងការជួយប្រជាជនកម្ពុជាឱ្យរស់នៅប្រកបដោយសុខភាព និងជីវិតកាន់តែប្រសើរ ដើម្បីគាំទ្រគំនិតផ្តួចផ្តើម AIA One Billion របស់ AIA Group ដែលមានបំណងជួយមនុស្សចំនួន 1,000,000,000 នាក់នៅអាស៊ីឱ្យរស់នៅមានសុខភាព​ និងជីវិតកាន់តែប្រសើរ នៅឆ្នាំ 2030។

លោក Andrew Loh អគ្គនាយកប្រតិបត្តិនៃ AIA Cambodia មានប្រសាសន៍ថា “យើងខ្ញុំសូមថ្លែងអំណរគុណយ៉ាងជ្រាលជ្រៅដល់ប្រជាជនកម្ពុជា​ដែលបានចូលរួមក្នុង​យុទ្ធនាការនេះ​ដ៏ច្រើនលើសលប់ ក៏ដូចជាបានបង្ហាញនូវទឹកចិត្តសប្បុរសដល់កុមារកម្ពុជា។ ទឹកចិត្តសប្បុរសរបស់អ្នកចូលរួមទាំងអស់ រួមនឹងការងារដ៏សស្រាក់សស្រាំរបស់អង្គការ​ ផ្កាយសមុទ្រ ក៏ដូចជាកិច្ចខិតខំប្រឹងប្រែងរបស់បុគ្គលិក និងទីប្រឹក្សាផែនការជីវិតAIA ពិតជា ធ្វើឱ្យយុទ្ធនាការ “ចាប់ផ្តើមដើម្បីជីវិតកាន់តែប្រសើរ-Jumpstart A Better Life” ទទួលបានជោគជ័យដ៏ធំធេង និងអនុញ្ញាតឱ្យកុមារទាំងនេះទទួលបានអត្ថប្រយោជន៍តាមរយៈឱកាសសិក្សាដើម្បីឱ្យពួកគេលោតទៅចាប់ក្តីស្រមៃ និងទទួលបានអនាគតភ្លឺស្វាង។

លោកក៏បានបន្ថែមទៀតថា “សម្រាប់រយៈពេលប្រាំឆ្នាំនៃភាពជាដៃគូរបស់យើង AIA Cambodia បានប្តេជ្ញាក្នុងការបង្កើនការយល់ដឹងអំពីកម្មវិធីអប់រំ ការអភិវឌ្ឍសហគមន៍ និងបាល់ទាត់របស់អង្គការ ផ្កាយសមុទ្រ។ គំនិតផ្តួចផ្តើមទាំងនេះជាមាគ៌ាដែលអនុញ្ញាតឱ្យកុមារបង្កើតសតម្ថភាពរបស់ខ្លួន និងជម្នះលើគ្រប់កាលៈទេសៈដើម្បីឱ្យក្លាយជាបុគ្គលឆ្នើមបំផុតដែលពួកគេអាចធ្វើបាន។

សម្រាប់ព័ត៌មានអំពីដំណោះស្រាយសេវាធានារ៉ាប់រងអាយុជីវិតរបស់ AIA Cambodia លើការការពារការសិក្សារបស់កូនលោកអ្នក សូមទាក់ទងផ្នែកបម្រើសេវាអតិថិជន (AIA Client Care) តាមរយៈលេខ 086 999 242 ឬចូលទៅកាន់គេហទំព័រ aia.com.kh។

ដើម្បីស្វែងយល់បន្ថែមអំពីកម្មវិធីរួមរបស់ ISF Cambodia សូមចូលទៅកាន់ isfcambodia.org ៕