រាជធានីភ្នំពេញ ៖ អគ្គនាយិកាក្រុមហ៊ុន Darling Skin Care Co.,Ltd ត្រូវបានកម្លាំងសមត្ថកិច្ច នាយកដ្ឋាននគរបាលព្រហ្មទណ្ឌកម្រិតធ្ងន់ រាជធានីភ្នំពេញ នៅព្រឹកថ្ងៃទី១២ ខែកញ្ញា ឆ្នាំ២០២២នេះ ឃាត់ខ្លួនបានសម្រេចតាមដីការបស់សាលាដំបូងរាជធានីភ្នំពេញ ពាក់ព័ន្ធករណីបរិហារកេរ្ដិ៍ និងញុះញង់ឲ្យមានការរើសអើង ។
សមត្ថកិច្ចបានឲ្យដឹងថា សង្ស័យមានឈ្មោះ ម៉ៅ លឹមហ៊ន់ ស្នាក់នៅផ្ទះលេខ២ អូបេអឹមអូហ្សិត ផ្លូវលេខ ១៣៨Z សង្កាត់ផ្សារដេប៉ូទី២ ខណ្ឌទួលគោក រាជធានីភ្នំពេញ ត្រូវឃាត់ខ្លួនតាមដីកាបញ្ជាឲ្យចូលខ្លួនរបស់ លោក ច្រឹង ខ្មៅ ព្រះរាជអាជ្ញា នៃអយ្យការអមសាលាដំបូងរាជធានីភ្នំពេញ ។
ក្រោយឃាត់ខ្លួន សមត្ថកិច្ចបានបញ្ជូនស្ដ្រីរូបនេះខាងលើទៅកាន់ក្រសួងមហាផ្ទៃ ដើម្បីសាកសួរ និងកសាងសំណុំរឿងបញ្ជូនទៅតុលាការតាមនីតិវិធី ៕