ក្រោមកិច្ចសហការគ្នាជាមួយ M Picture, K Two River International និងស្រាបៀ ហនុមាណ លោក Jimmy Henderson បានប្រកាសផែនការរឿងថ្មី ដែលចំណុចគួរចាប់អារម្មណ៍ មានតួស្រីដ៏ស្រស់ស្អាតម្នាក់មកពីជប៉ុន ក៏ចូលរួមថតជាតួឯកដែរ។
កញ្ញា Hinano Kurosaki ស្រីស្អាតមួយរូបដែលជា Influencer ល្បីឈ្មោះនៅទីក្រុងតូក្យូប្រទេសជប៉ុន បានបង្ហាញវត្តមានយ៉ាងភ្ញាក់ផ្អើលនៅក្នុងកម្មវិធីប្រកាសថតខ្សែភាពយន្តថ្មីដែលមានចំណងជើងថា KTV : Killing Time Violently ក្រោមស្នាដៃអ្នកដឹកនាំរឿងល្បីឈ្មោះ Jimmy Henderson ដែលធ្លាប់ល្បីល្បាញពីរឿង JAILBREAK និង The Prey។
កញ្ញា Hinano Kurosaki បានប្រាប់ឱ្យដឹងថា មូលហេតុដែលកញ្ញាអញ្ជើញចូលរួមថតខ្សែភាពយន្តនេះ ក៏ព្រោះតែកញ្ញាចង់បើកទំព័រអាជីពសម្ដែង និងចង់ប្រឡូកក្នុងការថតខ្សែភាពយន្តនៅកម្ពុជា។
គួរបញ្ជាក់ផងដែរថា រឿង KTV: Killing Time Violently គ្រោងចំណាយ ១៥ ម៉ឺនដុល្លារ នឹងចាប់ផ្តើមបើកកាម៉េរ៉ាចេញថតនៅដើមខែកញ្ញានេះ នឹងគ្រោងធ្វើការចាក់បញ្ចាំងនៅកម្ពុជានៅអំឡុងឆ្នាំ២០២៣៕
