មនុស្សជាច្រើនប្រាកដជាមានការងឿងឆ្ងល់ ថាហេតុអ្វីបានជាផ្ទៃមុខរបស់ពួកគេសម្បូរទៅដោយស្នាមមិនងាយបាត់ ក្នុងរយៈពេលយូរ បើទោះបីជាមុនបានបាត់ទៅអស់ទៅហើយក្ដី ។ ដោយពួកគេមិនបានដឹងនោះទេថា កត្តាទាំងអស់នេះត្រូវបានបណ្ដាលមកពីសកម្មភាពសាមញ្ញៗមួយចំនួនរបស់ពួកគេដែរតែងតែធ្វើទៅលើផ្ទៃមុខពេលកំពុងកើតមានមុន ។
ដោយកត្តាដែលបណ្ដាលឲ្យកើតមានស្នាមមិនចេះបាត់នៅលើផ្ទៃមុខគឺបណ្ដាលមកពី ៖
- ញិចមុនដែលមិនទាន់ទុំ
ស្នាមជាំខ្មៅ ដែលមិនងាយបាត់ក្នុងរយៈយូរ ក៏ត្រូវបានគេដឹងថាបង្កឡើងដោយការប្រញាប់ញិចមុនដែរមិនទាន់ទុំផងដែរ ។ ដោយកត្តានេះត្រូវបានមនុស្សជាច្រើនតែងតែមើលរំលង និងធ្វើវាជាប្រចាំនៅពេលដែលមានមុននៅលើមុន ។
- ញិចមុនមិនបានត្រឹមត្រូវ
ស្លាកស្នាមខ្មៅដែលមាននៅលើផ្ទៃមុខ ហើយមានរយៈពេលយូរ ក៏ត្រូវបណ្ដាលមកពីការញិចមុនមិនបានត្រឹមត្រូវផងដែរ ។ ជាពិសេសការញិចមុនដោយប្រើដៃទទេ ដែលមិនស្អាតនិងមានមេរោគ ឬក៏យករបស់មុតស្រួច មកញិចលើផ្ទៃមុខជាដើម ។
- ការកើតមុនឥតឈប់
ស្រ្ដីជាច្រើនមានការព្រួយបារម្ភ និងធុញទ្រាន់ជាខ្លាំងចំពោះស្នាមដែលលេចឡើងនៅលើស្បែករបស់ពួកគេ ។ បើទោះបីជាពួកគេប្រើប្រាស់នូវផលិតផលមួយចំនួនក្នុងការបំបាត់វាក៏ដោយ ។ ដោយកត្តាទាំងអស់នេះគឺជាមូលហេតុមួយក្នុងចំណោមមូលហេតុទូទៅបំផុតនៃចំណុចខ្មៅដែលលេចឡើងនៅលើស្បែកមុខរយៈពេលយូរ។
- ការទទួលទានអាហារ
ស្នាមមុនដែលកើតមាននៅលើផ្ទៃមុខមិនបាត់ក្នុងរយៈពេលយូរ ក៏ត្រូវបានបណ្ដាលមកពីការទទួលទានអាហារមិនល្អផងដែរ ។ ដោយអាហារទាំងអស់នោះរួមមានដូចជា ការទទួលភេសជ្ជៈដែលមានជាតិស្ករច្រើន ក៏ដូចជាការទទួលលទានរបស់ផ្អាប់ និង ជូរហឹលជាដើម ។