មនុស្សដែលមានវ័យចាប់ពី៤០ឆ្នាំឡើងទៅ មិនសាកសមក្នុងការទទួលទានអាហារទាំងនេះឡើយ !!

អាហារ គឺជាការចូលចំណែកដ៏ធំមួយក្នុងការចូលទៅជួយថែរក្សាសារពាង្គកាយ ក៏ដូចជាសុខភាពរាងកាយរបស់មនុស្សគ្រប់វ័យទាំងអស់ ។ ជាពិសេសនៅពេលដែលមនុស្សឈានចូលដល់អាយុ 40 ឆ្នាំ ពួកគេនឹងត្រូវប្រឈមមុខជាមួយការផ្លាស់ប្តូរជាច្រើននៅក្នុងរាងកាយ ជាពិសេសបញ្ហាសុខភាព។

នៅពេលដែលសរីរាង្គមុខងារ ភាពស្រស់ស្អាត និងផ្លូវចិត្តកាន់តែយ៉ាប់យ៉ឺនបន្តិចម្តងៗ នោះប្រាកដណាស់ថារាងកាយនឹងត្រូវជួបប្រទះជាមួយការបាត់បង់ប្រព័ន្ធការពារ ក៏ដូចជាងាយជួបប្រទះនូវបញ្ហាសុខភាព និងប្រឈមជាមួយជំងឺមួយចំនួនផងដែរ​។

ហេតុដូច្នេះហើយ នៅក្នុងវ័យនៃអាយុទាំងអស់នេះ មនុស្សគ្រប់រូបគួរតែធ្វើការរៀបចំរបបអាហារប្រចាំថ្ងៃរបស់ខ្លួនឲ្យបានត្រឹមត្រូវ ។ ដើម្បីកាត់បន្ថយហានិភ័យនៃបញ្ហាសុខភាពធ្ងន់ធ្ងរ ក៏ដូចជាកើតមាននូវជំងឺបេះដូង ជំងឺលើសឈាម និងជំងឺទឹកនោមផ្អែម ។  ហើយរឿងមួយចំនួនដែលមនុស្សត្រូវកំណត់មានដូចខាងក្រោម៖

• ជាតិស្ករ

ចំពោះអ្នកដែលមានវ័យចាប់ពី៤០ឆ្នាំឡើងទៅ ការទទួលទានជាតិស្ករ ថ្មីត្បិតតែវាជាស្ករគីមីសិប្បនិម្មិត ដែលគ្មានគ្រោះថ្នាក់ក៏ពិតមែន ។ ក៏ប៉ុន្តែវាពិតជាអាចធ្វើឲ្យអ្នកទទួលទាន​ ជួបប្រទះជាមួយជំងឺមួយចំនួនដូចជា ជំងឺទឹកនោមផ្អែម និងបញ្ហាសុខភាពធ្ងន់ធ្ងរជាច្រើនទៀត ។

• អាហារFastFood

ពពួកអាហារFastFood មានដូចជា ភីហ្សា ប័រហ្គឺ មាន់បំពង … គឺត្រូវបានគេដឹងថាជាប្រភពអាហារដែលធ្វើឲ្យធាត់ ជាពិសេសសម្រាប់មនសុ្សដែលមានវ័យចាប់ពី៤០ឆ្នាំឡើងទៅ  ។ ការទទួលទានពពួកអាហារទាំងអស់នេះ ពិតជាធ្វើឲ្យមានការបង្កើននូវការកើតមានហានិភ័យមួយចំនួនដូចជា ​ជំងឺផ្លូវដង្ហើម និងជំងឹទឹកនោមផ្អែម ជាងជាងមនុស្សដែលមានវ័យក្មេង ។

• ភេសជ្ជៈកាបូន

ភេសជ្ជៈដែលមានផ្ទុកនូវជាតិកាបូន ដែលត្រូវបានគេស្គាល់ថា​មាននៅក្នុងកូកា និងទឹកក្រូចជាដើមនោះសុទ្ធសឹងតែផ្ដល់ផលប៉ះពាល់ចំពោះសុខភាព ។ ដោយមនុស្សដែលមានវ័យចាប់ពី៤០ឆ្នាំឡើងទៅ មិនត្រូវបានណែនាំឲ្យមានការទទួលទានវានោះទេ។ ព្រោះតែវាអាចបង្កឲ្យកើតមាននូវជំងឺមួយចំនួនដូចជា ធ្វើឲ្យខូចកោសិកាថ្លើម  បង្កើនកម្រិតខ្ពស់នៃអង់ស៊ីមថ្លើម ធ្វើឲ្យធាត់ កើតមានជំងឺទឹកនោមផ្អែម បង្កើនហានិភ័យនៃជំងឺបេះដូង និងហើមដៃ ហើមជើងជាដើម​ ។​