កាលពីពេលថ្មីៗនេះ FIFA បានធ្វើការសម្រេចជាផ្លូវការនៅក្នុងថ្ងៃនេះ ក្នុងការចាប់ផ្ដើមការប្រកួត World Cup 2022 នៅប្រទេសកាតា មុនមួយថ្ងៃ មុនផែនការដែលបានកំណត់។
តាមពិតទៅ World Cup 2022 នឹងចាប់ផ្ដើមនៅថ្ងៃទី២១ ខែវិច្ឆិកា ឆ្នាំ២០២២ ក្នុងជំនួបបើកឆាកដំបូងគឺ ពូល A រវាងក្រុមជម្រើសជាតិសេណេហ្គាល់នឹងក្រុមជម្រើសជាតិហុល្លង់ នៅម៉ោង៥ល្ងាច (ម៉ោងកម្ពុជា) រីឯជំនួបក្រុមម្ចាស់ផ្ទះកាតា នឹងត្រូវតទល់នឹងអេក្វាឌ័រ នៅថ្ងៃដដែលនេះប៉ុន្តែនៅម៉ោង១១យប់ (ម៉ោងកម្ពុជា) ឯណោះ។
បើតាមទម្លាប់ World Cup ម្ចាស់ផ្ទះតែងតែត្រូវប្រកួតដំបូង ដូច្នេះក៏បានដាក់សំណើស្នើសុំ FIFA ដោយជំនួបរវាង ក្រុមម្ចាស់ផ្ទះកាតានឹងក្រុមជម្រើសជាតិអេក្វាឌ័រជាជំនួបបើកឆាក ដែលនឹងធ្វើឡើងនៅថ្ងៃទី២០ ខែវិច្ឆិកា ឆ្នាំ២០២២ មុនមួយថ្ងៃនៃផែនការ៕
ប្រភព: FIFA
