ភ្នំពេញ៖ នាថ្ងៃទី១១ ខែសីហានេះ អ្នកប្រើប្រាស់បណ្តាញសង្គមនៅកម្ពុជាបានបញ្ចេញប្រតិកម្មយ៉ាងខ្លាំង បន្ទាប់ពីមានគេហទំព័របរទេសមួយបានធ្វើការផ្សព្វផ្សាយលក់ ឈុតប៊ីគីនី ដែលមានរូបភាពទង់ជាតិប្រទេសកម្ពុជា ខណៈអ្នកប្រើប្រាស់បណ្តាញសង្គមបានចាត់ទុកទង្វើមួយនេះថា «ជាការប្រមាថយ៉ាងធ្ងន់ធ្ងរដល់ប្រទេសកម្ពុជា»។
មហាជនបានលើកឡើងថា នេះជាការធ្វេសប្រហែសមួយសម្រាប់អ្នកដែលឌីហ្សាញឈុតហែលទឹក ឬឈុតប៊ីគីនី យកទង់ជាតិនៃប្រទេសកម្ពុជា មានទាំងរូបប្រាសាទអង្គរវត្តខ្មែរផងនោះមកដាក់លើរាងកាយនារីបង្ហាញម៉ូដ បង្ហាញសាច់ចង់អស់ពីខ្លួន។ ប្រការមួយនេះ ជាការមិនអោយតម្លៃ ប្រទេសជាតិដែលជាម្ចាស់ អត្តសញ្ញាណហើយ អ្នកលេងបណ្តាញសង្គមបានឃើញ ក៏ខឹងសម្បា និងចែកចាយនូវរូបភាពខាងលើ បង្ហាញការមិនសុខចិត្តចំពោះអ្វីដែល កើតឡើងនិងចង់គេហទំព័របរទេសនោះ «លុបចេញជាបន្ទាន់»។
ប្រាកដណាស់ បាវចនាជាតិ សាសនា ព្រះមហាក្សត្ស គឺការគោរពឋានានុក្រម របស់ប្រជាជនកម្ពុជា យ៉ាងភ្ជាប់ខ្ជួន ហើយអោយតម្លៃបំផុត។ យ៉ាងណាមិញ មានមតិរិះគន់ចំពោះរូបភាពនេះថា ជាការម៉ាក់ងា.យបំផុត យកច្នៃលើដងខ្លួននារី ស្ទើរតែអាក្រាតកាយហើយ ហាក់បំផុសភាពរោលរាល។ បើមើលទៅលើការផុសនោះ គេចង់បង្ហាញឈុតប៊ីគីនី មានភាពប្លែកៗ ពណ៌ខុសគ្នាលក់លើអនឡាញ ដើម្បីជាជម្រើសច្រើនលើគេហទំព័របរទេសមួយ ដែលដាក់លក់ឈុតប៊ីគីនី ជាភាសាអង់គ្លេសថា Cambodia flag bikini លក់ក្នុងតម្លៃ ៤០ដុល្លារអាមេរិក។
ដោយឡែកនៅពេលនេះយើងនៅពុំទាន់ឃើញមានក្រសួងពាក់ព័ន្ធណាមួយចេញមកអន្តរាគមន៌នោះទេ ខណៈវែបសាយដែលបានដាក់លក់តប៊ីគីនី យកទង់ជាតិនៃប្រទេសកម្ពុជា មានទាំងរូបប្រាសាទអង្គរវត្តខ្មែរផងនោះចេញមកបកស្រាយយ៉ាងណានោះទេ ព័ត៌មានលម្អិតយ៉ាងណា KBN នឹងធ្វើការផ្សាយជូននៅពេលក្រោយទៀត ៕
.jpg)
.jpg)
