ជម្ងឺសំពាធឈាមខ្ពស់ គឺជាបញ្ហាសុខភាពទូទៅមួយដែលតែងតែកើតឡើងចំពោះមនុស្សគ្រប់វ័យ ប៉ុន្តែអ្វីដែលពិសេសនោះគឺកើតទៅលើមនុស្សចាស់ និងអ្នកធាត់។
ជំងឺនេះប្រសិនបើមិនបានព្យាបាលទេនោះ វាអាចនឹងបង្កឱ្យមានផលវិបាកធ្ងន់ធ្ងរ ជាពិសេសជំងឺខ្សោយបេះដូង ជំងឺដាច់សរសៃឈាមក្នុងខួរក្បាល លើសឈាម និងគាំងបេះដូង ដែលអាចឈានទៅដល់ការបាត់បង់ជីវិតថែមទៀតផង។ តែយ៉ាងណាមិញ ដើម្បីបញ្ចុះសម្ពាធឈាមមិនពិបាកនោះទេ លោកអ្នកគ្រាន់តែត្រូវធ្វើការផ្លាស់ប្តូររបបអាហារក្នុងវិធីសាមញ្ញ និងរបៀបរស់នៅល្អ តែប៉ុណ្ណោះ ។
បើយោងទៅតាមការសិក្សាមួយចំនួនបង្ហាញថា ទឹកក្រូចអាចជួយបន្ថយកម្រិតសម្ពាធឈាមខ្ពស់បានយ៉ាងមានប្រសិទ្ធភាព ។ ជាមួយគ្នានេះក៏មានហេតុផលជាច្រើនផ្សេងទៀត ដែលផ្លែក្រូចមានប្រសិទ្ធភាពក្នុងការកាត់បន្ថយកម្រិតសម្ពាធឈាមខ្ពស់ដូចខាងក្រោម៖
1. ជួយកាត់បន្ថយសម្ពាធឈាម
ទឹកក្រូចគឺជាប្រភពដ៏ល្អបំផុតមួយនៃវីតាមីន C។ ការសិក្សាជាច្រើនបានបង្ហាញថា វីតាមីន C ជួយបន្ថយសម្ពាធឈាម ព្រមទាំងធ្វើអោយប្រសើរឡើងនូវភាពស៊ាំចំពោះរាងកាយផងដែរ ។
2. ជួយព្យាបាលជំងឺលើសឈាម
ទឹកក្រូចមានផ្ទុកនូវប៉ូតាស្យូមខ្ពស់ ដែលជាសារធាតុរ៉ែមួយដ៏សំខាន់សម្រាប់សុខភាពបេះដូង និងសារធាតុរ៉ែក្នុងការជួយបញ្ចុះសម្ពាធឈាមយ៉ាងមានប្រសិទ្ធភាពផងដែរ។
3. ប្រឆាំងអុកស៊ីតកម្ម
ផ្លែក្រូចមានផ្ទុកសារធាតុ phytonutrients bioflavonoids ជាច្រើន ដែលមានមុខងារប្រឆាំងនឹងអុកស៊ីតកម្ម និងគ្រប់គ្រងសម្ពាធឈាម។ លើសពីនេះវាក៏ជួយធ្វើឱ្យជញ្ជាំងសរសៃឈាមកាន់តែមានស្ថេរភាព ហើយប្រឆាំងនឹងជំងឺសរសៃឈាមដូចជា atherosclerosis, myocardial infarction, phlebitis បណ្តាលឱ្យឈឺចាប់នៅអវយវៈគ្រប់ផ្នែកទាំងអស់នៃរាងកាយផងដែរ ។
4. ផ្លែក្រូចមានផ្ទុកសារធាតុ folate (វីតាមីន B9)
សារធាតុ folate ដែលមាននៅក្នុងទឹកក្រូច គឺចាំបាច់សម្រាប់ការសំយោគ DNA និងការបំប្លែងអាស៊ីតអាមីណូ ដែលចាំបាច់សម្រាប់ការពារជំងឺលើសឈាម។ ដោយការទទួលទានទឹកក្រូចស្រស់តូចមួយកែវ ផ្តល់នូវវីតាមីន B9 រហូតដល់ទៅ 39 mcg ។ ជាមួយគ្នានេះ បើយោងតាមការស្រាវជ្រាវ ក៏បានបង្ហាញឲ្យដឹងថា អ្នកដែលទទួលទានជាតិ folate ច្រើននៅពេលពួកគេនៅក្មេង ទំនងជាមិនសូវកើតមាននូវជំងឺលើសឈាមនៅ 20 ឆ្នាំក្រោយពេលពួកគេចាស់ទៅនោះទេ ។