នេនទុំ ចេញសុំទោសក្រោយពីមានការរិះគន់របស់មហាជនរឿងចាក់សាក់រូបព្រហ្មមុខបួន(មានវីដេអូ)

មហាជនច្បាស់ជាបានជ្រាបរួចមកហើយជាមួយនឹងការចាក់សាក់រូបព្រហ្មមុខបួននៅលើកំភួនជើងរបស់រាតាចម្រៀងរ៉េបលោក នេន ទុំ រហូតបានក្លាយជារឿងដ៏ក្ដៅគគុកសម្រាប់មហាជនខ្មែរធ្វើការរិះគន់យ៉ាងចាស់ដៃពីទង្វើនៃការមិនផ្ដល់តម្លៃវប្បធម៌ និងហ៊ានប្រមាថដល់ព្រហ្មមុខបួនដែលប្រជាជនខ្មែរគោរព ស្រាប់តែលោកបានចេញមកសុំទោសជាសាធារណៈចំពោះមហាជនធ្លាប់រិះគន់លោកកន្លងមក។

យ៉ាងណាមិញទាក់ទងនិងការចាក់សាក់រូបតាព្រហ្មមុខបួន ដោយលោកបានចាក់សាក់នៅលើកំភួនជើង ដែលមហាជនជាច្រើនបានរិះគន់កន្លងមកនោះ ស្រាប់តែនាថ្ងៃទី ៦ ខែកក្ដដា ឆ្នាំ២០២២ នេះសាមីខ្លួនលោក នេន ទុំ បានធ្វើការបង្ហោះវីដេអូចូលទៅក្នុងអាខោនហ្វេសបុខផ្ទាល់ខ្លួន ចេញមុខបកស្រាយទទួលកំហុស និងបានធ្វើការសុំទោសទៅកាន់មហាជនឱ្យលើកលែងទោស និងឈប់ខឹងបន្តទៀត។

ក្នុងនោះលោកនេនទុំបានរៀបរាប់ថា ” ដោយសារតែរឿងសាក់បានធ្វើឱ្យមហាជនជាច្រើនមានការមិនសប្បាយចិត្ត ហើយក៏មានបងប្អូនមួយចំនួនបានណែនាំ និងបានឱ្យលោកធ្វើការបង្ហោះវីដេអូ សុំទោសទៅដល់បងប្អូនរបស់យើង។ ពិតណាស់ការចាក់សាក់លោកពិតជាពេញចិត្ត និងស្រឡាញ់ខ្លាំងណាស់ ប៉ុន្តែចាប់ពីពេលនេះទៅសូមបងប្អូនមេតាឈប់ខឹង និងរិះគន់លោកបន្តទៅទៀត ក្នុងនោះលោកបន្តថា លោកនឹងមិនលុបសាក់រូបព្រហ្មមុខបួននេះទេ ប៉ុន្តែលោកនឹងធ្វើការចាក់សាក់រូបផ្សេងនៅពីលើវិញ ដូច្នេះសូមបងប្អូនមេត្តាឈប់រិះគន់ និងឈប់ប្រកាន់ខឹងស្អប់ និងព្រមទទួលការអធ្យាស្រ័យពីលោកដោយអស់ពីចិត្ត “៕

សូមប្រិយមិត្តអញ្ជើញទស្សនាវីដេអូដូចខាងក្រោម៖