សុខភាព គឺជារឿងដ៏សំខាន់មួយសម្រាប់មនុស្សគ្រប់រូប ដែលបង្ហាញឲ្យដឹងនូវអាយុនៃការរស់នៅរបស់ពួកគេតាមរយៈសញ្ញានិងអាការៈនៃជំងឺមួយចំនួនផងដែរ ។ ដោយមនុស្សដែលមានអាយុវែង ពួកគេតែងតែមានទម្លាប់នៃការរស់នៅល្អ ក៏ដូចជាយកចិត្តទុកដាក់ថែទាំចំពោះសុខភាពពួកគេបានយ៉ាងល្អ ។ ដូច្នេះប្រសិនជារាងកាយអ្នកលេចចេញនូវភាពមិនប្រក្រតីណាមួយ អ្នកគួរតែប្រញ៉ាប់ធ្វើការព្យាបាលឲ្យបានទាន់ពេលវេលា ដើម្បីរួចផុតពីហានិភ័យដែលអាចធ្វើឲ្យមានផលរំខាន និងការរស់នៅប្រចាំរបស់អ្នក ។
ខាងក្រោមនេះគឺជាចំនុចមិនប្រក្រតីទាំង៤ដែលបង្ហាញថា អ្នកកំពុងតែប្រឈមជាមួយនឹងជំងឺគ្រោះថ្នាក់៖
- គេងមិនលក់
បើចង់រក្សាអាយុរបស់អ្នកឲ្យវែងនោះ អ្នកគួរតែយកចិត្តទុកដាក់បង្កើតទម្លាប់រស់នៅប្រចាំថ្ងៃឲ្យបានល្អ។
ដោយភាគច្រើនមនុស្សដែលមានអាយុខ្លី ច្រើនតែមានអាការៈពិបាកក្នុងការគេង និងឧស្សាហ៍ភ្ញាក់នៅកណ្តាលយប់ដែលកត្តាទាំងអស់នេះធ្វើឲ្យមានការកាត់បន្ថយគុណភាពនៃការគេងមួយផ្នែកធំចំពោះសុខភាពអ្នក ។
ជាមួយគ្នានេះវាក៏ធ្វើឲ្យពន្លឿនភាពចាស់ កាត់បន្ថយមុខងារនៃសរីរាង្គសំខាន់ៗ និងងាយរំខានដល់អ័រម៉ូនផងដែរ។
- ភ្ញាក់ទៅបន្ទប់ទឹកកណ្តាលយប់
នេះគឺជាបញ្ហាទូទៅមួយចំពោះមនុស្សដែលមាន “អាយុខ្លី” ។ ដែលចំនុចនេះស្ដាប់មើលទៅវាហាក់ដូចជាធម្មតា ប៉ុន្តែវាអាចជាសញ្ញាព្រមាននៃជំងឺជាច្រើន ដូចជាជំងឺប្លោកនោម ជំងឺក្រពេញប្រូស្តាត និងជំងឺទឹកនោមផ្អែម។ល។
- តឹងទ្រូងពេលគេង
អ្នកដែលមានអាយុខ្លីច្រើនតែមានអារម្មណ៍ មិនស្រួលក្នុងទ្រូងពេលគេង។ ដែលបញ្ហាទាំងនេះវាគឺជាការបង្ហាញពីមុខងារបេះដូងចុះខ្សោយ។ ដូច្នេះ ប្រសិនបើអ្នកជារឿយៗជួបប្រទះការឈឺទ្រូងដែលមិនអាចពន្យល់បានក្នុងអំឡុងពេលគេងយប់ ឬអមដោយការញ័រទ្រូង ចង្វាក់បេះដូងលោតខុសប្រក្រតីជាដើម នោះវាសុទ្ធសឹងតែជាសញ្ញាដែលបង្ហាញថា មុខងារបេះដូងរបស់អ្នកកំពុងធ្លាក់ចុះ ។
- ស្ពឹកដៃជើងពេលគេង
ចំពោះមនុស្សដែលមានសុខភាពល្អ រាងកាយនឹងមានចរន្តឈាមល្អ ដូច្នេះពួកគេមិនមានការបារម្ភចំពោះការស្ពឹកដៃជើងនៅពេលយប់នោះទេ។ ប៉ុន្តែសម្រាប់អ្នកដែលមានសរសៃឈាមខូច នោះវាងាយនឹងធ្វើឲ្យពួកគេងាយកើតមាននូវអាការៈ ស្ពឹកនៅអវយវៈ ជាពិសេសជើង។
សរុបប្រសិនជាអ្នកកើតមាននូវចំណុចណាមួយក្នុងចំណោម៤ខាងលើនេះ អ្នកគួរតែទៅជួបជាមួយគ្រូពេទ្យជំនាញ ដើម្បីទទួលការពិគ្រោះ និងព្យាបាលឲ្យបានទាន់ពេលវេលាផងដែរ ។
