ប្រទះឃើញពងដាយណូស័រជាច្រើននៅក្នុងប្រទេសអេស្ប៉ាញ

នាថ្ងៃទី៦ ខែ សីហា ឆ្នាំ២០២២ មានសេចក្ដីរាយការណ៍មកថាក្រុមអ្នកបុរាណវិទ្យា រកឃើញស៊ុតដាយណូស័រយក្សរាប់សិបនៅក្នុងសំបុកហ្វូស៊ីលមួយកន្លែងនៅក្នុងប្រទេសអេស្ប៉ាញ។

ទីតាណូស័រដែលជាប្រភេទសត្វល្មូនកវែងរស់នៅរហូតដល់ផុតពូជនៅចុងបញ្ចប់នៃសម័យកាល Cretaceous ត្រូវបានរកឃើញនៅទីតាំងជីកហ្វូស៊ីលមួយក្នុងទីក្រុង Loarre ក្នុងខេត្ត Huesca ភាគឦសាននៃប្រទេសអេស្ប៉ាញ ក្នុងអំឡុងពេលនៃការងារបុរាណវិទ្យាបានចាប់ផ្ដើមកាលពីខែកញ្ញា ឆ្នាំ២០២១មកម្លេះ។

ក្នុងការជីករុករកនេះដែរ អ្នកបុរាណវិទូបានទាញយកស៊ុតដាយណូស័រ ប្រភេទទីតាណូស័រចំនួន ៣០ ដែលត្រូវបានរកឃើញនៅក្នុងប្លុកថ្មទម្ងន់ ២ តោន ដោយស៊ុតមានរាងស្វ៊ែរ និងមានអង្កត់ផ្ចិតប្រហែល ១២ សង់ទីម៉ែត្រ (៥.៩ អ៊ីញ) ព្រមទាំងរក្សាទម្រង់បានយ៉ាងល្អ។

លើសពីនេះការធ្វើតេស្តបឋមបង្ហាញថា សំបុកនេះជាទីតាំងរបស់សត្វទីតាណូស័រ ដែលជាសត្វជើងបួន មានកន្ទុយវែង កវែង និងស៊ីស្មៅជាអាហារ វាអាចមានប្រវែងដល់ ២០ ម៉ែត្រ។

ក្នុងនោះគេជឿថាវាអាចមានដល់ទៅ ៧០ បន្ថែមទៀត ដែលនៅក្នុងផ្ទាំងថ្មជ្រៅ មានន័យថាវាអាច មានទៅដល់ ១០០ គ្រាប់។

យ៉ាងណាមិញការជីករកឃើញស៊ុតដាយណូស័រទីតាណូស័រក្នុងប្លុកទំហំដ៏ធំនេះពិតជាអស្ចារ្យរួមជាមួយនិងប្រតិបត្តិការបុរាណដែលមានការលំបាកផ្នែកបច្ចេកទេសពាក់ព័ន្ធនឹងដំណើរការជីកកកាយ មានការលំបាក់រហូតត្រូវទាមទារជំនួយពីគ្រឿងចក្រឈូសឆាយក្ដី ប៉ុន្តែប្រតិបត្តិការនេះត្រូវបានចាត់ទុកថាទទួលបានជោគជ័យសម្រាប់អ្នកបុរាណវិទ្យា៕