អំបិល គឺជាគ្រឿងទេសដ៏សំខាន់មួយសម្រាប់ចុងភៅគ្រប់រូបដែលមិនអាចខ្វះបានក្នុងការចម្អិនអាហារប្រចាំថ្ងៃ ដើម្បីជួយបង្កើនរសជាតិអាហារឲ្យកាន់តែឈ្ងុយឆ្ងាញ់ ។ ប៉ុន្តែមានមនុស្សតិចណាស់ដែលបានដឹងអំពីអត្ថប្រយោជន៍របស់អំបិល និងសារធាតុសំខាន់ៗនៅក្នុងអំបិលដែលរាងកាយត្រូវការផងដែរ។ លោកអ្នកអាចទទួលបានអត្ថប្រយោជន៍ពីអំបិលដូចខាងក្រោម ប្រសិនជាអ្នកប្រើប្រាស់វាក្នុងកម្រិតត្រឹមត្រូវ ៖
- ជួយឱ្យក្រពេញទីរ៉ូអ៊ីតដំណើរការធម្មតា
ក្រពេញទីរ៉ូអ៊ីតដើរតួនាទីយ៉ាងសំខាន់ក្នុងការរំលាយអាហារ ដូច្នេះដើម្បីធ្វើឱ្យក្រពេញទីរ៉ូអ៊ីតដំណើរការបានត្រឹមត្រូវ នោះរាងកាយគឺត្រូវការសារធាតុអ៊ីយ៉ូត ។ ដែលសារធាតុនេះជាសារធាតុរ៉ែដែលមាននៅក្នុងអាហារជាច្រើន ជាពិសេសមានច្រើនបំផុតនៅក្នុងអំបិល។ ដូច្នេះប្រសិនបើអ្នកធ្វើការបរិភោគអំបិលក្នុងកម្រិតត្រូវត្រឹមដែលរាងកាយត្រូវការនោះ ក្រពេញទីរ៉ូអ៊ីតនៅក្នុងរាងកាយរបស់អ្នកក៏ដំណើរការបានល្អផងដែរ ។
- ជួយរក្សាជាតិទឹកក្នុងខ្លួន
អំបិល ក៏មានសមត្ថភាពក្នុងការជួយលើកកម្ពស់កម្រិតរក្សាទឹក ឱ្យមានសុខភាពល្អ និងតុល្យភាពអេឡិចត្រូលីត ដែលចាំបាច់សម្រាប់សរីរាង្គឱ្យដំណើរការបានត្រឹមត្រូវផងដែរ ។ ដោយកោសិកា សាច់ដុំ និងជាលិការបស់អ្នកត្រូវការទឹក ដូច្នេះហើយអំបិលគឺមានសមត្ថភាពក្នុងការជួយផ្នែកទាំងនេះនៃរាងកាយរបស់អ្នកនិងរក្សាកម្រិតជាតិទឹកបានត្រឹមត្រូវក្នុងរាងកាយ ។
- ការពារសម្ពាធឈាមទាបការទទួលទានរបបអាហារដែលមិនផ្តល់ជាតិសូដ្យូមគ្រប់គ្រាន់សម្រាប់រាងកាយ ក៏អាចនាំឱ្យមានសម្ពាធឈាមចុះខ្សោយផងដែរ។ ដែលជាទូទៅជាតិសូដ្យូមទាំងអស់នេះ ត្រូវបានគេរកឃើញនៅក្នុងអំបិល។ដូច្នេះការទទួលអំបិលក្នុងកម្រិតត្រឹមត្រូវ សម្រាប់រាងកាយត្រូវការពិតជាអាចជួយការពារអ្នកេពីជំងឺសំពាធឈាមទាបបានយ៉ាងមានប្រសិទ្ធភាព ។ – ធ្វើអោយប្រសើរឡើងនូវរោគសញ្ញានៃជំងឺសរសៃឈាម ដោយអ្នកដែលមានជំងឺសរសៃឈាម ត្រូវបានគេដឹងថាងាយជួបប្រទះនឹងការបាត់បង់ជាតិអំបិលច្រើនជាងមនុស្សធម្មតា។ ដូច្នេះហើយទើបជាហេតុធ្វើឲ្យពួកគេត្រូវការទឹក និងអំបិលបន្ថែមជាច្រើនទៀតនៅក្នុងរបបអាហាររបស់ពួកគេ ដើម្បីជៀសវាងការខ្វះជាតិទឹក។ ប៉ុន្តែអ្នកជំងឺទាំងអស់នេះក៏គួរតែមានការបរិភោគអំបិលក្នុងកម្រិតមួយដែរត្រឹមត្រូវផងដែរ ដើម្បីចផសវាងគ្រោះថ្នាក់ចំពោះសុខភាព ។