លោក ស្រី ពុធ ធីតា ប្រធានក្លឹបបឹងកេត និងប្រធានគណៈកម្មការបាល់ទាត់នារីនៃសហព័ន្ធកីឡាបាល់ទាត់កម្ពុជា ដែលកំពុងដឹកនាំក្រុម U18 នារីកម្ពុជា ទៅប្រកួតព្រឹត្តិការណ៍ AFF U18 WOMEN’S CHAMPIONSHIP 2022 នៅប្រទេសឥណ្ឌូណេស៊ីបាននិយាយថា នារីៗដែលលះបង់មកលេងបាល់ទាត់ប្រឈមខ្លាំងណាស់ ដូច្នេះគឺត្រូវការការលើកទឹកចិត្តពីមហាជនឲ្យបានខ្ពស់។
សម្រាប់ការលះបង់របស់ក្រុមនារីៗលោកស្រី ពុធ ធីតា បានលើកឡើងថា “មុនពេលគាត់(នារីៗ) មកលេងបាល់ទាត់បានគាត់ប្រកួតប្រជែងច្រើនណាស់។ ត្រូវប្រឈមជាមួយគ្រួសារគាត់អ្នកខ្លះទៅឪពុក-ម្ដាយមិនឲ្យលេងអីចឹងទៅ។ យើងគិតមើលម៉ែ-ឪគេម៉ែ-ឪយើងអ្នកណាខ្លះចង់ឲ្យកូនស្រីមកលេងបាល់ទាត់នោះមិនងាយទេ។ អ៊ីចឹងទម្រាំគាត់ក្លាយជាកីឡាការិនីបានគាត់ប្រឈមខ្លាំងណាស់ ដូច្នេះសូមឲ្យទស្សនិកជនឲ្យតម្លៃគាត់ឲ្យបានខ្ពស់ផង”៕
