ភ្នំពេញ៖ មិនមែនជារឿងប្លែកអ្វីទេព្រោះតារាសម្តែងរូបស្រស់ អៀ ម៉េងលិ ត្រូវបានគេដឹងថាជាតារាស្រី ដែលនិយមលេងស្ទីលតែងខ្លួនបែបសិចស៊ីបញ្ចេញដើមទ្រូងទ្រលុកទ្រលន់ដោយមិនខ្វល់ពីការរិះគន់អ្វីឡើយ ប៉ុន្តែយ៉ាងណាកន្លងមកការលេងខ្លួនរបស់នាងទទួលបានការសរសើរច្រើនជាង តែសម្រាប់លើកនេះនាងហាក់ទទួលបានការរិះគន់ចំៗពីសំណាក់អ្នកលេងបណ្តាញសង្គមមួយចំនួន ។
ស្រាប់តែនៅថ្ងៃទី២១ ខែកក្កដា ឆ្នាំ២០២២ នៅលើហ្វេសប៊ុករបស់ខ្លួន អៀរ ម៉េងលិ បានវាយបកទាំងកំហឹង ចំពោះអ្នករិះគន់ទៅលើរូបសម្រស់របស់នាង ជាពិសេសសុដន់ ដោយកញ្ញាបានឆ្លើយតបយ៉ាងដូច្នេះថា៖ «ផ្ញើទៅអ្នករិះគន់មួយចំនួន «មីហ្នឹងស្អាតដោយសារកែទេ ទើបបានប៉ុណ្ណឹង» ចុះពួកមីងឯងកែបានស្អាតប៉ុនខ្ញុំឬនៅ ហើយខ្ញុំកែត្រង់ណាខ្លះ? ពួកមីងឯងស៊ីធម្មជាតិ មុខដូចជ្រញ់ហ្នឹងទៅស្អាត ។ «មីហ្នឹងនៅក្រមុំដោះយារម្ល៉េះ» ចុះពួកមីងឯង និងពួកតាឯង អត់ស្គាល់ទេហី ថាតែដោះធំវាតែងតែធ្លាក់ខ្លះហើយ ព្រោះខ្ញុំមិនមាន «ខ្នង២» ដូចពួកមីងឯង និងប្រពន្ធតាឯងទាំងអស់គ្នាទេ តែត្រូវចាំ ដោះធំធ្លាក់នៅស្អាត ! ចុះពួកមីយាយដោះស្វិតឯង ពេលធ្លាក់ទៅដឹងដោះម៉េចអត់? ចាំចូលមើលក្នុងខំមិនទៅផ្ញើឲ្យមើល តារាក៏មនុស្សដែលវើយមិនមែននៅស្ងៀមអោយ មកជេដៀលចឹងទេតរខ្លះហើយ»។
គួរបញ្ជាក់ដែលថា ដោយសារសម្រស់ផូរផង់រួមនឹងការលេងស្ទីលបែបទាក់ទាញផងនោះបានធ្វើឱ្យ អៀ ម៉េងលិ ក្តោបបានការថតស្ប៉តផ្សាយផលិតផលជាច្រើនដោយក្នុងនោះនាងបានអះអាងថាទទួលបានតម្លៃខ្លួនខ្ពស់គួរសម អាចនិយាយថាបានច្រើនជាងការសម្តែងរឿងទៅទៀត ៕
