វត្តសំរោងក្នុងស្ថិតក្នុងភូមិសំរោងក្នុង ឃុំសំរោងក្នុង ស្រុកឯកភ្នំ ខេត្តបាត់ដំបង ប្រហែល ៥គីឡូម៉ែត្រពីផ្សារណាត់។
វត្តសំរោងក្នុងជាព្រះវិហារដ៏ចំណាស់កសាងនៅកំឡុងពុទ្ធសករាជ ២២៥០ គ្រឹស្ដសករាជ ១៧០៧ មកទល់ពេលនេះមានអាយុកាលជាង ៣០០ ឆ្នាំហើយ ។ ដំបូងឡើយ វត្តសំរោងក្នុង គ្រាន់តែជាអាស្រមមួយនៅក្នុងព្រៃស្មសាននាសម័យនោះ ដែលរៀបដោយព្រះសង្ឃធុតង្គមួយអង្គព្រះនាម«ជ័យ»ប៉ុណ្ណោះ។ ជាបន្តបន្ទាប់មកព្រះអង្គបានកសាងព្រះវិហារដ៏ធំមួយធ្វើពីឈើតែក្រោយមកបានសាងសង់ពីឥដ្ឋបូកបាយអ ប្រក់ក្បឿង សសរឈើ ហើយបានកសាងប្រាសាទផងដែរ ។
គួរបញ្ជាក់ផងដែរថា វត្តសំរោងក្នុងក័ធ្លាប់ជាវាលពិឃាតក្នុងសម័យកម្ពុជាប្រជាធិបតេយ្យផងដែរ៕
