មហាជនជាច្រើនច្បាស់ជាបានជ្រាបរួចមកហើយជាមួយនឹង Miss International Queen ឆ្នាំ២០២២ គឺបវរកញ្ញា Fuschia Anne Ravena ដែលទទួលតំណែងគ្រងមកុដពិភពលោក តំណាងឱ្យប្រទេសហ្វីលីពីន ក្នុងនោះ Fuschia Anne Ravena មិនមែនជាស្ត្រីទីមួយនោះទេសម្រាប់ភាពជោគជ័យតំណាងឱ្យ ប្រទេសហ្វីលីពីន ប៉ុន្តែនាងជាស្ត្រីទី៣ ក្នុងការគ្រងមកុដលើពិភពលោកសម្រាប់ប្រទេសមួយនេះ។
កាលពីថ្ងៃទី ២៦ ខែមិថុនា ឆ្នាំ២០២២ កន្លងទៅនេះ ការប្រកួតបញ្ជាប់ Miss International Queen ឆ្នាំ២០២២ នៅក្នុងប្រទេសថៃ ព្រមទាំងបានរកឃើញអ្នកគ្រងដំណែង Miss International Queen ពិភពលោក បានទៅលើបវរកញ្ញាកែភេទ Fuschia Anne Ravena មកពីប្រទេសហ្វីលីពីនដែលមានសម្រស់ស្រស់ស្អាត និងមានភាពឆ្លាតវៃថែមទៀតផង។
យ៉ាងណាមិញបវរកញ្ញា Fuschia Anne Ravena ដែលទទួលតំណែងគ្រងមកុដ ពិភពលោក តំណាងឱ្យប្រទេសហ្វីលីពីនសម្រាប់តំណែង Miss International Queen ហ្វីលីពីននេះនាងមិនមែនជាមនុស្សទីមួយនោះទេដែលទទួលបានភាពជោគជ័យមួយនេះ ប៉ុន្តែ Fuschia Anne Ravena ជាបវរកញ្ញាទី៣ ដែលអាចដណ្ដើមតំណែង Miss International Queens ២០២២លើពិភពលោកបាន។ ក្នុងនោះកាលពីឆ្នាំ២០១២ បវរកញ្ញា Kevin Balot បានទទួលតំណែង Miss International Queen និងគ្រងមកុដ ពិភពលោក លើលពីនេះក្នុងឆ្នាំ២០១៥ បវរកញ្ញា Trixie Maristela ក៏ទទួលបានតំណែងមួយនេះផងដែរ។
ពិតណាស់វាពិតជាមោទនៈភាពដែលប្រទេសហ្វីលីពីនទទួលបានពីការខិតខំ និងការជម្នះនូវគ្រប់បញ្ហា និងភាពឆ្លាតវៃ ដែលពួកគេមាននៅក្នុងខ្លួន ព្រមទាំងការគាំទ្រអស់ពីចិត្តពីសំណាក់មហាជន សម្រាប់បវរកញ្ញាតំណាងឱ្យប្រទេសរបស់ពួកគេផងដែរ៕ ប្រភព៖ Kapook