ភ្នំពេញ៖ អាចនិយាយបានថា អ្នកនាង កែវ ស្រីនាង ជាតារាសម្ដែងស្រីមួយរូបដែលមានប្រជាប្រិយភាពខ្លាំង បើទោះបី មួយរយៈចុងក្រោយនេះនាងស្ងាត់ពីវិស័យសិល្បៈយ៉ាងណាក្ដី ហើយបច្ចុប្បន្នតារារូបនេះ កំពុងរស់នៅយ៉ាងមានក្ដីសុខ ខណៈមានកូនស្រីម្នាក់ផងដែរ។
យ៉ាងណាមិញ បើនិយាយពីរូបសម្រស់តារាស្រីរូបនេះវិញ ទោះមានវ័យកាន់តែជ្រេបន្តិចមែន តែនាងនៅតែស្រស់ស្អាត ក្មេងជាងវ័យ មិនចាញ់ក្មេងឡើយ។ ម្យ៉ាងវិញទៀត អ្នកនាង កែវ ស្រីនាង នៅតែអាចធ្វើឲ្យទស្សនិកជនជាច្រើនចាប់អារម្មណ៍ លើរូបសម្ផស្សនាងគ្រប់ពេលបង្ហោះរូបលើបណ្ដាញសង្គម ខណៈមានមហាជនមួយចំនួនធំបានបង្ហាញការចាប់អារម្មណ៌យ៉ាងខ្លាំងទៅលើរូបភាពប៉ុន្មានសន្លឹករបស់តារាស្រីវ័យ៤១ឆ្នាំរូបនេះ ជាមួយនឹងកូនស្រីដែលមានអាយុទើបតែ១៧ឆ្នាំ ជាកូនកាត់ ដោយមហាជនបានលាន់មាត់មិននឹកស្មានថា អ្នកនាង កែវ ស្រីនាង មានសម្រស់ក្មេងជាងវ័យ កាន់តែស្រស់ស្អាតបែបនេះសោះ ខណៈរូបភាពអង្គុយទន្ទឹមកូនស្រីគេស្ទើរតែស្ងើចសរសើរបានថា រូបសម្រស់អ្នកនាងក្មេងជាងកូនស្រីទៅទៀត បណ្តាអ្នកគាំទ្រជាច្រើនបានសរសើរដល់នាង ដែលតែងតែប្លែកស្អាតជានិច្ច ទោះបីជាអាយុកាន់តែច្រើន ទៅមុខយ៉ាងណាក្តី តែពេលនាងលេងខ្លួនបែបនេះក្មេងតែម្តង។
ជាមួយគ្នានេះដែរ បើងាកទៅមើលកូនស្រីជាទីស្រលាញ់តារារូបនេះ បច្ចុប្បន្នកាន់តែធំពេញរូបពេញរាង ចំណែកមុខមាត់ក៏ស្អាតបែបកូនកាត់តែម្ដង។ ៕