ភ្នំពេញ៖ កាលពីល្ងាចទី២៥ ខែមិថុនា ឆ្នាំ២០២២ លើទីលានកីឡដ្ឋាន Cambodia Airway មានជំនួបរវាងក្រុមបឹងកេត ជាមួយណាហ្គាវើលដ៍ ក្នុងការប្រកួតសប្ដាហ៍ទី៨ នៃពានរង្វាន់លីគកំពូលកម្ពុជា Cambodian Premier League 2022 ដោយនៅក្នុងការប្រកួតនោះត្រូវបានលោកអាជ្ញាកណ្ដាល លឹម ប៊ុនធឿន ពិន័យកាតសរុប១៩សន្លឹកឯណោះ ខណៈលទ្ធផលបញ្ចប់ទៅក្រុមភ្ញៀវណាហ្គាវើលដ៍ យកឈ្នះម្ចាស់ផ្ទះបឹងកេត ១-០។
នៅក្នុងជំនួបរវាងក្រុមទាំង២នោះ អ្វីដែលធ្វើឱ្យមានការចាប់អារម្មណ៍នោះគឺនៅក្រោយអាជ្ញាកណ្តាលផ្លុំកញ្ចែបញ្ចប់ការប្រកួតមានការប៉ះពាក្យសម្តីគ្នារវាងកីឡាករអ៊ីរ៉ង់ Taher Jahanbakhsh របស់បឹងកេត ជាមួយកីឡាករ គួច ដានី របស់ណាហ្គាវើលដ៍ រហូតឈានទៅដល់ផ្ទុះការប្រទូស្តរ៉ាយប្រវាយប្រតប់គ្នា។
បើទោះជាការប្រកួតនេះថែមម៉ោងបង្គ្រប់នៅតង់ទី២តែ៤នាទីក្តី តែការប្រកួតពន្យារដល់៦នាទី ខណៈកីឡាករនិងថ្នាក់ដឹកនាំដែលត្រូវពិន័យកាតមាន៖
កាតលឿង៖
-ណាហ្គាវើលដ៍ (៧សន្លឹក) សុះ ស៊ូហាណា នៅនាទីទី២៤,Soares Da Costa Osvaldo នាទីទី៣២, គួច ដានី នាទីទី៣៥, Cristian Roque នាទីទី៥៣ , រ៉ៃ វិកទ័រ នាទីទី៥៧ , ភេម តៅសិញ នាទីទី៧៣ , ឆៃ រ័ត្នសេរី នាទីទី៩០+៥។
-បឹងកេត (៣សន្លឹក) Taher Jahanbakhsh នាទីទី៣៣, ឱ ភារុណ នាទីទី៧៦, តាំង ប៊ុនឆៃ នាទីទី៩០+៦
កាតក្រហម៖
-ណាហ្គាវើល (៥សន្លឹក) នេន សុធារ័ត្ន, Súper, Cristian Roque, ផាត សុខា, រ៉ៃ វិកទ័រ
នាទី៩០+៦ ដូចគ្នា
-បឹងកេត (៤សន្លឹក) កយ សាលឹម, Taher Jahanbakhsh, ហៅ សុជាតិ, លី រ៉ាវី នាទី ៩០+៦ដូចគ្នា ៕
សូមប្រិយមិត្តអញ្ជើញទស្សនាវីដេអូ ដូចខាងក្រោម៖