កាលពីរដូវកាលមុន ក្រុមតោខៀវ Chelsea បាននាំយកខ្សែប្រយុទ្ធ Lukaku ពីក្លិប Inter Milan នៅក្នងតម្លៃដល់ទៅ ១២៤លានដុល្លារឯណោះ ក៏ប៉ុន្តែដោយបង្ហាញទម្រង់លេងមិនបានល្អ ពេលនេះ Chelsea ក៏បានត្រៀមដាក់ខ្សែប្រយុទ្ធរូបនេះ ទៅអោយ Inter Milan វិញ។
ចាប់តាំងពីមកដល់ទៅដីអង់គ្លេស Lukaku បង្ហាញខ្លួនបាន ២៦ប្រកួត ស៊ុតបញ្ចូលទីបានត្រឹមតែ៨គ្រាប់តែប៉ុណ្ណោះ ដែលបានធ្វើអោយអ្នកគាំទ្រតោខៀវមិនសប្បាយចិត្តនោះទេ ថែមទាំងចង់អោយលក់រូបគេចេញវិញថែមទៀតផងដែរ។
តែយ៉ាងណាមិញ នៅរដូវកាលក្រោយនេះ Lukaku បានយល់ព្រមផ្លាស់ទៅ Inter Milan វិញហើយ នៅក្នុងតម្លៃខ្លួនតែ ៧លានដុល្លារ ក្នុងលក្ខខណ្ឌជើងមួយរដូវកាលពេញ៕
ប្រភព: Fabrizio Romano
