ភ្នំពេញ៖ ក្រោយពីនាយ ពែកមី មានឈ្មោះពិតប្រាកដថា ចែម ចាន់រ៉ាបានបង្ហាញពីការមិនពេញចិត្តចំពោះការគ្រប់គ្រងថ្មីរបស់ស្ថានីយ៍ទូរទស្សន៍ CTN ពេលនេះត្រូវបានទទួលដំណោះស្រាយហើយដោយលោកបានសរសេរសាររៀបរាប់ដូចខាងក្រោមថា៖
«ជូនដំណឹងបងប្អូនទាំងអស់គ្នា CTNបានដោះស្រាយសម្រួលដល់ខ្ញំ ព្រមទាំងបុគ្គលិក នឹង ក្រុមការងារហេីយ អរគុណបងប្អូនទាំងអស់គ្នា ក្រុមហ៊ុនបានស្មេីអោយខ្ញំលប់ផុសវិញ អរគុណក្រុមហ៊ុនសម្រាប់ដំណោះស្រាយសម្រាប់បុគ្គលិក»។
គួររំលឹកដែលថា រំលងទៅមួយម៉ោងមុននេះនាយ ពែកមី បានរៀបរាប់យ៉ាងដូច្នេះថា៖ « សូមបងប្អូនសិល្បះ ឬ បុគ្គលិក ដែលចូលទៅក្នុងCTN ហេីយមានការសួរនាំច្រេីន តឹងតែង ត្រូវបំពេញឯកសាផ្សេងៗ …ពីខាងសន្តិសុខ សូមបងប្អូនកុំខឹងនឹងគាត់អី គាត់ធ្វេីតាមតែបញ្ជាថ្នាក់លេីទេ បេីគាត់មិនធ្វេី គេដកគាត់គាត់ចេញ ដូចនេះសូមបងប្អូនអនុគ្រោះអោយខាងសន្តិសុខផង សូមអរគុណ»។
ហើយកាលពីព្រឹកមិញនេះលោក ពែកមី ក៏បានរៀបរាប់យ៉ាងដូច្នេះថា៖ “ខ្ញុំប្រហែលជាត្រូវឈប់ពីស៊ីធីអិនហើយបងប្អូន បើមិនក្រុមហ៊ុនដកចេញ ក៏ឈប់ខ្លួនឯងដែរ ដោយសារខ្ញុំមិនពេញចិត្តការដឹកនាំរបស់អ្នកគ្រប់គ្រងថ្មី ខ្ញុំមិនចង់ចាកចេញពីស៊ីធីអិនដែលជាផ្ទះ ជាកន្លែងផ្តល់កំណើតសិល្បៈអោយខ្ញុំទេ តែខ្ញុំសុខចិត្តចេញមុខតវ៉ាខ្លះ នៅរឿងដែលរឹតត្បិតតឹងតែងពេក ធ្វើអោយបុគ្គលិកមានសម្ពាធ សង្ឃឹមថាកាឈប់របស់ខ្ញុំ និងអ្នកកំប្លែងផ្សេងទៀត អាចធ្វើអោយអ្នកគ្រប់គ្រងថ្មីគាត់មានកាបន្ធូរបន្ថយ នៅច្បាប់ថ្មីដែលតឹងតែងរបស់គាត់ខ្លះ ដើម្បីបុគ្គលិកដែលនៅគាត់បានសុខសប្បាយមិនសូវមានសម្ពាធ សូមអរគុណ ” ៕