ភ្នំពេញ៖ រហូតមកទល់សព្វថ្ងៃនេះតារាកំប្លែងលោក ចែម ចាន់រ៉ា ហៅពែកមី បានជ្រកកោននៅស្ថានីយទូរទស្សន៍ CTN អស់រយៈពេលជាង១០ឆ្នាំមកហើយ ខណៈបើយើងក្រឡេកមើលពីស្នាដៃការងារហាក់ដូចជាមានការរលូនរីកចំរើនទៅមុខជាដរាប ទោះបីជាមានឧបសគ្គបន្តិចបន្តួចក្ដីគឺយើងពុំដែលបានឃើញលោកធ្វើឲ្យមានកំហុសខុសឆ្គងអ្វីធំដុំទេ ក៏ប៉ុន្តែនាមុននេះបន្តិចបន្តិចស្រាប់តែលោក ពែកមី បានប្រកាសចង់លាឈប់ពីការងារ។

ជាក់ស្ដែងយោងតាមការបង្ហោះរបស់លោកនៅលើផេកហ្វេសប៊ុកផ្លូវការបានរៀបរាប់យ៉ាងដូច្នេះថា៖ «ខ្ញុំប្រហែលជាត្រូវឈប់ពីសុីធីអិនហេីយបង​ប្អូន​បេីមិនក្រុមហ៊ុនដកចេញ​ ក៏ឈប់ខ្លួនឯងដែ​ ដោយសារខ្ញុំមិនពេញចិត្តការដឹកនាំរបស់អ្នកគ្រប់គ្រងថ្មី​ ខ្ញុំមិនចង់ចាកចេញពីសុីធីអិនដែលជាផ្ទះ​ ជាកន្លែងផ្តល់កំណេីតសិល្បះអោយខ្ញុំទេ​ តែខ្ញុំសុខចិត្តចេញមុខតវ៉ាខ្លះ​ នៅរឿងដែលរិតត្បិតតឹងតែង​ពេក​ ធ្វេីអោយបុគ្គលិកមានសម្ពាធ សង្ឃឹមថាកាឈប់របស់ខ្ញុំ​ នឹង​ អ្នកកំប្លែងផ្សេងទៀត​ អាចធ្វេីអោយអ្នកគ្រប់គ្រងថ្មី​គាត់មានការបន្ធូរបន្ថយ​ នៅច្បាប់ថ្មីដែលតឹងតែងរបស់គាត់ខ្លះ​ ដេីម្បីបុគ្គលិកដែលនៅ​គាត់បានសុខសប្បាយមិនសូវមានសម្ពាធ​ សូមអរគុណ​»។

គួរឲ្យដឹងដែលថា នាយពែកមី បានជាប់ចំណាត់ថ្នាក់លេខ១ នៅក្នុងកម្មវិធីមហាកំប្លែងរបស់ប៉ុស្ដិ៍ទូរទស្សន៍ CTN កាលពីឆ្នាំ២០១៩ ក្រោយពីទទួលជោគជ័យនៅក្នុងកម្មវិធីប្រឡងហើយនោះ លោកក៏បានលេចមុខសម្ដែងកំប្លែងនៅក្នុងកម្មវិធីរាត្រីកំសាន្ដក្នុងឆ្នាំ២០១០ ដោយទទួលបានការគាំទ្រខ្លាំងពីសំណាក់មហាជនពាសពេញផ្ទៃប្រទេស រួចជាបន្តបន្ទាប់មកលោកក៏បានជោគជ័យមួយកម្រិតទៀតកាន់តែខ្លាំងនៅក្នុងរឿង Two Brother ហើយអ្វីដែលកាន់តែពិសេសទៀតនោះដោយសារតែមានថ្វីសំឡេងល្អលោកក៏បានច្រៀងបទចម្រៀងផ្សេងៗនៅក្នុងផលិតកម្មថោនថែមទៀតផង ៕