អាណិតម្ចាស់! រថយន្តទំនើប៣គ្រឿង ត្រូវដើមឈើរលំសង្កត់ខូចធ្ងន់ នៅលើភ្នំគូលែន

ខេត្តសៀមរាប ៖ រថយន្តស៊េរីទំនើបចំនួន៣គ្រឿង ត្រូវដើមឈើបុស្សនាគ រលំសង្កត់រងការខូចខាតយ៉ាងដំណំ កាលពីវេលា២រសៀល ថ្ងៃទី២២ ខែឧសភា ឆ្នាំ២០២២ នៅចំណតរថយន្តទឹកធ្លាក់ជាន់ទី៣ ទឹកជ្រោះភ្នំគូលេន ដែលស្ថិតនៅភូមិព្រះអង្គធំ ឃុំខ្នងភ្នំ ស្រុកស្វាយលើ ខេត្តសៀបរាប។

សមត្ថកិច្ចបានឲ្យដឹងថា ករណីនេះមិនបណ្តាលឲ្យគ្រោះថ្នាក់ដល់អាយុជីវិតមនុស្សទេ តែបានបណ្តាលឲ្យខូចខាតរថយន្តចំនួន ០៣គ្រឿង (ធ្ងន់ ) ទី១- ម៉ាក Lexus 200T ពណ៌ក្រហម ស្លាកលេខ ភ្នំពេញ 2AX-1787 ខូចខាតផ្នែកខាងក្រោយ។ ទី២-ម៉ាក Ford Ranger ពណ៌ស ស្លាកលេខ ភ្នំពេញ 2AV-3368) ០១គ្រឿង ខូចខាតផ្នែកដំបូលទាំងស្រុង ម្ចាស់រថយន្តទាំងពីរគ្រឿងខាងលើ ឈ្មោះ សុខ លី ភេទស្រី អាយុ៣០ឆ្នាំ មុខរបរលក់ដូរ ទីលំនៅភូមិសាលាកន្សែង សង្កាត់ស្វាយដង្គំ ក្រុងសៀមរាប ខេត្ដសៀមរាប។ ទី៣- រថយន្ដ Toyota Vigo ពណ៌ខ្មៅ ស្លាកលេខ សៀមរាប 2C-3176) ខូចខាតផ្នែកខាងមុខ ម្ចាស់រថយន្ដឈ្មោះ អ៊ុន វីរៈ ភេទប្រុស អាយុ៣៨ឆ្នាំ មុខរបរ យោធា ទីលំនៅភូមិចុងកៅស៊ូ សង្កាត់ស្លក្រាម ក្រុង/ខេត្ដសៀមរាប។សមត្ថកិច្ច បញ្ជាក់ថា ករណីនេះ បណ្តាលមកពីឬស និងគល់ឈើមានសភាព ពុកផុយ ( មុនរលំមានភ្លៀងបន្តិច មិនមានខ្យល់ខ្លាំងទេ ។ បច្ចុប្បន្នបុគ្គលិកក្រុមហ៊ុនកំពុងកាត់ឈើ ដើម្បីយករថយន្ដចេញ និងខាងក្រុមហ៊ុនបានហៅម្ចាស់រថយន្តទាំង០៣គ្រឿង ទៅដោះស្រាយនៅកន្លែងលក់សំបុត្រខាងក្រោម ៕