ខេត្តព្រះវិហារ ៖ នៅរសៀលថ្ងៃទី១៨ ខែឧសភា ឆ្នាំ២០២២ ឯកឧត្តម ប្រាក់ សុវណ្ណ អភិបាលខេត្តព្រះវិហារ និងថ្នាក់ដឹកនាំខេត្តជាច្រើនរូបទៀត បានអញ្ជើញចូលរួមរំលែកទុក្ខដ៏សែនក្រៀមក្រំបំផុត ចំពោះគ្រួសារកញ្ញា សុវត្ថិឌី ធារិកា ដែលលោកឪពុក-ម្ដាយជាទីស្រឡាញ់ ដោយគ្រោះថ្នាក់ចរាចរណ៍នៅស្រុកឆែប ខេត្តព្រះវិហារ កាលពីរសៀលថ្ងៃទី១៧ ខែឧសភា ឆ្នាំ២០២២កន្លងទៅថ្មីៗនេះ។នៅក្នុងឱកាសដ៏សែនក្រៀមក្រំនេះឯកឧត្តម ប្រាក់ សុវណ្ណ និងលោកស្រី ព្រមទាំងសហការី បានសម្ដែងនូវការចូលរួមសោកស្ដាយជាពន់ពេក ចំពោះឧបទ្ទវហេតុដែលបានកើតឡើង បណ្តាលឱ្យបាត់បង់ឪពុកម្ដាយជាទីស្រឡាញ់ របស់កញ្ញា សុវត្ថិឌី ធារិកា ដែលតែងអប់រំទូន្មានប្រៀនប្រដៅកូនចៅ ឱ្យដើរតាមគន្លងធម៌ ក្លាយជាកុលបុត្រ កុលធីតាល្អសម្រាប់សង្គមជាតិ។
ឯកឧត្តមអភិបាលខេត្តព្រះវិហារ និង ព្រមទាំងសហការី បានលើកហត្ថបួងសួងឧទ្ទិសដល់ដួងវិញ្ញាណក្ខន្ធសពលោកឪពុក-ម្តាយ របស់កញ្ញា សុវត្ថិឌី ធារិកា សូមបានដល់សុគតិភពកុំបីឃ្លៀងខ្លាតឡើយ។ ជាមួយគ្នានោះដែរ ឯកឧត្តម ប្រាក់ សុវណ្ណ និងថ្នាក់ដឹកនាំខេត្តព្រះវិហារ បានចូលរួមបច្ច័យបុណ្យសពចំនួន១០លានរៀលផងដែរ៕
Home ព័ត៌មានជាតិ