រាជធានីភ្នំពេញ ៖ ដូចប្រិយមិត្តជ្រាបខ្លះហើយ កាលពីប៉ុន្មានខែមុខ បានផ្ទុះរឿងរ៉ាវលុយកាក់របស់តារាស្រី សូដា នីតាបានផ្ទុះផ្អើលពេញបណ្ដាញសង្គមម្ដងរួចហើយ ដោយនាងសូ ដានីតា បានធ្វើការទម្លាយមុខកូនបំណុល ដែលជំពាក់លុយរាប់ម៉ឺនដុល្លារមិនព្រមសង។
កាលពីម្សិលមិញនេះ ក៏មិនខុសពីប៉ុន្មានខែមុនដែរ ស្រីស្អាត សូដានីតា បង្ហោះកន្ទុយឈ្មោះកូនបំណុលចំនួន៧នាក់ ដែលមិនទាន់ឃើញសងលុយនាង ដែលនេះគ្រាន់ជាការរំលឹកតែប៉ុណ្ណោះ។ លើសពីនេះ នាងក៏ត្រៀមនឹងបង្ហោះរូបថតកូនបំណុលទាំងនោះ និងកូនបំណុលច្រើននាក់ទៀត។អ្នកនាង សូដា នីតា បានបង្ហោះបញ្ជាក់ថា «សាររំឭក ដល់មនុស្សដែលខ្ញុំត្រៀមបង្ហោះរូប ដែលមិនសង ចរចាតែមាត់ និងរត់ សុំដាក់តែឈ្មោះចុងសិន (នៅច្រើនគ្នាទៀត សុំបន្តបន្ទាប់) ទី១ … ដា ទី២ … ឧត្តម
ទី៣ … នីសា ទី៤ … រ៉ា ទី៥ … ម៉ី ទី៦ … មន្ថា ទី៧ … ទ្រា»។
ក្រោយអ្នកនាង សូ ដានីតា បង្ហោះបែបនេះ បានធ្វើឲ្យមហាជនអ្នកគាំទ្រ ក៏ដូចជាអ្នកសិល្បៈមួយចំនួនធំ មានការភ្ញាក់ផ្អើល និងបានចូលបញ្ចេញមតិផងដែរ ៕
Home ព័ត៌មានជាតិ