ខេត្តសៀមរាប៖ ចោរ១ក្រុម បានធ្វើសកម្មភាពគាស់ទ្វារកុដិ ព្រះគ្រូចៅអធិការវត្តល្អក់ យកបច្ច័យអស់ជាង២ម៉ឺនដុល្លារ រួចគេចខ្លួនបាត់ ដោយសុវត្ថិភាព។ ករណីចោរកម្មនេះ កើតឡើងនៅព្រឹក ថ្ងៃទី១២ ខែឧសភា ឆ្នាំ ២០២២ ស្ថិតនៅក្នុងភូមិល្អក់ ឃុំកណ្ដែកស្រុកប្រាសាទបាគង ខេត្តសៀមរាប។
ក្រោយកើតហេតុ ព្រះគ្រូចៅអធិការវត្តល្អក់ ជាជនរងគ្រោះ បានរាយការណ៍ប្រាប់សមត្ថកិច្ច ។ បន្ទាប់មក កម្លាំងសមត្ថកិច្ចបានស្រាវជ្រាវដល់កុដិកើតហេតុ ដើម្បីកំណត់មុខសញ្ញាជនសង្ស័យ ឈានដល់ការចាប់ខ្លួននាំមកផ្តន្ទាទោសតាមផ្លូវច្បាប់៕