ភ្នំពេញ៖ លោក ថេណា ជាតារាចម្រៀង Original មួយរូបដែលមិត្តយុវវ័យធ្លាប់បានស្គាល់ និងធ្លាប់បានស្តាប់នូវបទចម្រៀងរបស់លោកជាច្រើនបទរួចមកហើយ។ ថេណា ត្រូវបានមិត្តៗយុវវ័យស្គាល់តាមរយៈរូបរាងសង្ហា និងសម្លេងដ៏ពីរោះ គួបផ្សំនឹងការនិពន្ធបទចម្រៀងដ៏មានអត្ថន័យចាក់ដោតដួងចិត្តតែម្តង។ ជាក់ស្តែង ថេណាធ្លាប់បានបង្ហើរសំនៀងតាមរយៈបទចម្រៀងដែលជាស្នាដៃល្បីៗរបស់លោករួមមានដូចជា កង់សាគួរ, ខុសជំនាន់ និងភពឯកាជាដើម។
ថ្វីត្បិតបច្ចុប្បន្ននេះតារាចម្រៀងវ័យក្មេងរូបស្រស់សង្ហាម្នាក់នេះហាក់ជោគជ័យនៅក្នុងវិថីសិល្បះក៏ពិតមែន ប៉ុន្តែមានមនុស្សមួយចំនួនតូចដែលដឹងពីប្រវត្តិតស៊ូរបស់លោក ថេណា ថាលោកបានខិតខំប្រឹងប្រែងយ៉ាងណាទើបអាចកសាងខ្លួនឲ្យត្រចះត្រចង់ដូចសព្វថ្ងៃ។
ខណៈជាក់ស្ដែងនាមុននេះបន្តិចលោក ថេណា ក៏បានបង្ហោះរូបភាពចាស់មួយសន្លឹករបស់ខ្លួន ព្រមទាំងបានសរសេរភ្ជាប់មកជាមួយមានខ្លឹមសារយ៉ាងដូច្នេះថា៖ «ឃើញរូបថតចាស់នឹកស្រណោះខ្លួនឯងកណ្ដោចកណ្ដែងតស៊ូលេីវិស័យសិល្បៈមួយនេះតែម្នាក់ឯឯធ្វេីគ្រប់យ៉ាងតែម្នាក់ឯងលុយក៏គ្មានកាលនិងតែអ្វីដែលខ្ញុំមាននោះគឺចំណេះដឹងផ្នែកតន្ត្រីដែលជាអ្វីដែលខ្ញុំស្រលាញ់ខំប្រឹងហាត់រៀនតាំងពីតូច កាលនៅក្មេងខ្ញុំហាត់ Guitar មួយថ្ងៃ 8 ទៅ 10 ម៉ោងជារាងរាល់ថ្ងៃ បន្ទាប់ពីនោះខ្ញុំទៅរៀនពីកម្មវិធីធ្វើភ្លេងនិងលេងភ្លេងការ ធ្វើរឿងដដែលៗបែបនេះររហូតរាប់ឆ្នាំរហូតដល់ឆ្អឹននិងវានៅពេលដែលយើងចេះអ្វីមួយច្បាស់មិនខ្វះអ្នកត្រូវការយេីងទេការងារអ្វីក៏ល្អដែរអោយតែយើងចេះវាច្បាស់» ៕
