បន្ទាប់ពីទទួលបានជោគជ័យលើការដំឡើង ស្ថានីយសាកយានយន្តអគ្គិសនីសាធារណៈរបស់រដ្ឋដំបូងគេនៅកម្ពុជា នៅក្នុងទីស្ដីការក្រសួងសាធារណការនិងដឹកជញ្ជូនរួចមក ក្រុងសៀមរាប កំពុងត្រៀមខ្លួនក្លាយជាស្ថានីយសាកភ្លើងយានយន្តអគ្គិសនីធំមួយទៀតក្នុងខេត្ត ដែលជាផ្នែកមួយក្នុងគម្រោងរបស់កម្ពុជា។
មិនយូរទៀតនោះទេ ស្ថានីយសាកយានយន្តអគ្គិសនីសាធារណៈនៅកម្ពុជា នឹងមានសឹងតែគ្រប់ខេត្តក្រុង ដោយនៅក្នុងគម្រោងរដ្ឋាភិបាល មានខេត្តបាត់ដំបង សៀមរាប ព្រះសីហនុ ស្ថានីយប្រេងនិងផ្លូវជាតិនានា។
បច្ចុប្បន្នកម្ពុជា កំពុងរៀបចំគោលនយោបាយ និងការគាំទ្រសម្រាប់រថយន្តដើរដោយថាមពលអគ្គិសនី (EVs) ស្របតាមផែនការជំរុញឱ្យមានប្រើប្រាស់រថយន្តអគ្គិសនី ៤០% និងទោចក្រយានយន្តអគ្គិសនី ៧០% គោលដៅកាបូនសូន្យនៅឆ្នាំ ២០៥០៕