កាលពីយប់មិញ ក្រុម Athletic Bilbao បានយកឈ្នះក្រុមអធិរាជស Real Madrid ក្នុងលទ្ធផល ១-០ នឹងទម្លាក់ក្រុមនេះចេញពីពានរង្វាន់ Copa Del Rey ត្រឹមវគ្គ ១៦ក្រុមចុងក្រោយ។
នៅក្នុងការប្រកួតនេះ ក្រុមម្ចាស់ផ្ទះ Bilbao ធ្វើការស៊ុតជាច្រើនលើកជាច្រើនសារទៅលើក្រុមភ្ញៀវ Real Madrid ក៏ប៉ុន្តែមិនអាចទម្លាយសំណាញ់ទីបាននោះទេ។ ការប្រកួតបានអូសបន្លាយ រហូតដល់នាទី៨៩ ទើប Athletic Bilbao រកបានគ្រាប់ជ័យជំនះបាន ដោយថ្វីជើងកីឡាករ Berenguer ។ 
ឆ្លងកាត់ជ័យជំនះនេះ Athletic Bilbao បានកក់កៅអីវគ្គ៨ក្រុមចុងក្រោយ ពីពានរង្វាន់ Copa Del Rey។ គួររំលឹកផងដែរថា មុននឹងមកទម្លាក់ Real Madrid នេះ ក្រុម Athletic Bilbao ក៏បានទម្លាក់ក្រុមអ្នកមានបុណ្យ Barcelona ក្នុងលទ្ធផល ៣-២ ផងដែរ៕
