មិត្តភាព គឺជាគ្រឿងផ្សំនៃរសជាតិជីវិតដែលមនុស្សគ្រប់រូបមិនអាចខ្វះបាន ព្រោះការរស់នៅរបស់មនុស្សចាំបាច់ត្រូវមានពឹងពាក់គ្នាទៅវិញទៅមក ប៉ុន្តែមិត្ត ត្រូវបានគេធ្វើការបែងចែកជាពីរ ទីមួយមិត្តដែលនាំមកនូវការជួយជ្រោមជ្រែង រីឯមិត្តមួយទៀត គឺជាមិត្តដែលនាំមកនូវក្តីវិនាសនិងសេចក្តីហិនហោច។អឹចឹងហើយ អត្ថបទនេះយើងនឹងប្រាប់ពីមនុស្សប្រភេទណាខ្លះដែលអ្នកមិនគួររាប់អាន។
- មិត្តគិតតែពីប្រយោជន៍ផ្ទាល់ខ្លួន : អ្នកមិនគួរសេពគប់មិត្តប្រភេទនេះបន្តទៅទៀតទេ ព្រោះគេហ៊ានធ្វើអ្វីគ្រប់យ៉ាងដើម្បីបំពេញផលចំណេញរបស់ខ្លួនគេ ដោយមិនខ្វល់ពីផលប៉ះពាល់អវិជ្ជមានដល់មិត្តភក្តិរបស់ខ្លួនឡើយ ហើយគេក៏ជម្រុញអ្នកអោយធ្លាក់ទៅក្នុងអំពើរអបាយមុខ ដើម្បីតែផលប្រយោជន៍ផ្ទាល់ខ្លួននេះដែរ។
- មិត្តដែលនិយាយល្អតែចំពោះមុខ : មិត្តមួយចំនួនចូលចិត្តណាស់និយាយល្អ សរសើរតែចំពោះមុខ តែនៅពីក្រោយខ្នង និយាយរិះគន់ពីចំនុចអាក្រក់របស់អ្នកដទៃទៅវិញ មិត្តប្រភេទនេះ សូមកុំយកខ្លួនបៀត ព្រោះអាចនឹងនាំផលមិនល្អដល់អ្នកនៅថ្ងៃណាមួយក៏ថាបាន ដោយសារតែមាត់នេះឯង។
- មិត្តនាំទៅរកសេចក្តីវិនាស : មិត្តប្រភេទនេះអ្នកអាចសង្កេតតាមរយះសកម្មភាពប្រចាំថ្ងៃរបស់គេ ដូចជាការលេងល្បែង ការសេពគ្រឿងញៀនជាដើម ។មិត្តប្រភេទនោះ បើអ្នករាប់អានកាន់តែយូរ អ្នកកាន់តែហិនហោចទៅបន្តិចម្តងៗ នៅពេលដែលគេទាល់ច្រក គេក៏អាចប្រព្រឹត្តអំពើរខុសច្បាប់ណាមួយមកដល់អ្នកបានដូចគ្នាដែរ ។
- មិត្តដែលនិយាយហៃអើ : មិត្តប្រភេទនេះមិនគួរយកខ្លួនមកសេពគប់ទេ ព្រោះវាគ្មានផលចំណេញ មិត្តដែលបានត្រឹមតែហៃអើរបន្ទោរពីក្រោយ នៅពេលដែលអ្នកជោគជ័យគេនឹងនៅក្បែរអ្នក តែនៅពេលអ្នកបរាជ័យវិញ គេប្រាកដជារត់ចោលអ្នកមិនខាន។