ដូចដែលប្រិយមិត្តបានដឹងរួចមកហើយ ថាទីផ្សារលើវិស័យអចលនទ្រព្យនាពេលសព្វថ្ងៃនេះ កំពុងរីកដូចផ្សិត មិនថានៅរាជធានីភ្នំពេញ ឬនៅតាមបណ្តាលខេត្តឡើយ ទន្ទឹមនឹងវិស័យនេះ កំពុងតែទាក់ទាញការចាប់អារម្មណ៍ខ្លាំងពីសំណាក់អ្នកទិញក្នុងស្រុក និង ក្រៅស្រុក ប៉ុន្តែក៏មានអ្នកទិញមិនតិចទេ ដែលត្រូវទឹកភ្នែកជូតក្បាលជង្គង់ ព្រោះតែការចាញ់បោកឈ្មួញខិលខូចមួយចំនួន បានក្លែងបន្លំលបលួចយកដីផ្ទះខ្សល់មកលក់ជូនអតិថិជន នេះហើយគឺជាបញ្ហាដែលប្រជាពលរដ្ឋបានជួបប្រទះនាពេលកន្លងមក។ ដើម្បីកុំអោយខាតបង់លុយកាក់កំលាំងញើសឈាមយើងខំរកទាំងលំបាក ឬជាប្រាក់ដែលបានមកពីការខ្ចីបុលពីធនាគារទៀតនោះ មុនសម្រេចចិត្តទិញផ្ទះ អ្នកទិញត្រូវមើលទៅលើចំនុច ៣ នេះជាមុនសិន។
១ – ត្រូវសិក្សាលើផ្លូវច្បាប់អោយបានច្បាស់លាស់ ថាតើដីនៅតំបន់នោះ ស្ថិតនៅក្នុងដី ស្របច្បាប់ដែរឬទេ? តើមានច្បាប់អនុញ្ញាតអោយ ពុះលក់ ត្រឹមត្រូវឬអត់? ឬលោកអ្នកគួរតែធ្វើការស៊ើបសួរពីអាជ្ញាធរពាក់ពន្ធ័ និងមេឃុំ ឬមេភូមិសិន ដើម្បីបញ្ជាក់ថា ដី ឬបុរីនោះ មិនមានការបោកប្រាស់។
២ – អ្នកត្រូវតែដឹងពីប្រវត្តិក្រុមហ៊ុន ថាតើក្រុមហ៊ុននោះជាក្រុមហ៊ុនអ្វី ?មានចុះបញ្ជីច្បាស់ទេ ធ្លាប់មានប្រវត្តិបញ្ហាឬទំនាស់ជាមួយអតិថិជនពីមុនដែរឬទេ?
៣ – សូមធ្វើការពិចារណា ប្រសិនបើដី ឬជាប្រភេទគម្រោងបុរីថោកៗ គ្មានការប្រាក់នោះ លោកអ្នកគួរតែពិចារណាអោយបានមត់ចត់បំផុត លោកអ្នកមិនអាចទុកចិត្តបានទេ បើទោះជាតំលៃលក់នោះ ស្ថិតនៅក្នុងតំលៃទាបក៏ដោយ៕