ក្រោយបាត់មុខពីក្រុមជម្រើសជាតិអុីតាលី៣ឆ្នាំមក ពេលនេះខ្សែប្រយុទ្ធ Mario Balotelli ត្រូវបានកោះហៅអោយមកជួយក្រុមជម្រើសជាតិសារជាថ្មីម្តងទៀត សម្រាប់ព្រឹត្តិការណ៍ជម្រុះ World Cup 2022 ខាងមុខនេះ។
Mario Balotelli មានភាពល្បីល្បាញខ្លាំងអំឡុពេលរូបគេលេងនៅក្រុមមេឃខៀវ Manchester City ចន្លោះឆ្នាំ ២០១០-២០១៣។ អ្វីដែលអ្នកគាំទ្រចាំភ្លេចនោះ គឹកាលនោះ Balotelli បានស៊ុតបញ្ជូលទីក្រុម Manchester United បន្ទាប់មករូបគេក៏បានលើកអាវឡើង ដោយភ្ជាប់ជាមួយអក្សរ “Why always Me?”។ នាសម័យនោះពាក្យមួយឃ្លានេះ បានបង្កើនកេរ្តិ៍ឈ្មោះ Balotelli ជាខ្លាំង។
ក៏ប៉ុន្តែគិតមកដល់បច្ចុប្បន្ននេះ Balotelli ត្រឹមតែលេងនៅលីគកំពូលប្រទេសតួកគីជាមួយក្រុម Adana Demirspor តែប៉ុណ្ណោះ។ បុរសវ័យ៣១ឆ្នាំនេះ ធ្លាប់បានបង្ហាញខ្លួនអោយក្រុមជម្រើសជាតិអុីតាលីបាន ៣៦ប្រកួត ដោយទាត់បញ្ជូលទីបាន ១៤គ្រាប់។
នេះជារឿងមួយដែលនឹងស្មានមិនដល់នោះទេ ដែលគ្រូបង្វឹកអុីតាលី លោក Roberto Mancini កោះហៅ Balotelli អៅយមកជួយក្រុមវិញនោះ៕