ថៃ៖ ក្រសួងរដ្ឋាភិបាលថៃ កំពុងពិភាក្សាអំពីការធ្វើឱ្យស្របច្បាប់នៃបារីអេឡិចត្រូនិក ក្នុងគោលបំណងដើម្បីកាត់បន្ថយចំនួនអ្នកជក់បារីក្នុងប្រទេស។ នេះបើយោងតាមការចុះផ្សាយរបស់សារព័ត៌មាន Thethaiger ។
លោក Chaiwut Thanakamanusorn រដ្ឋមន្ត្រី DES ខណៈដែលគាត់ពិចារណាធ្វើឱ្យបារីអេឡិចត្រូនិចស្របច្បាប់ ដោយលោកបានលើកឡើងថា មិនត្រឹមតែបារីអេឡិចត្រូនិចអាចផ្តល់ឱ្យអ្នកជក់បារីនូវជម្រើសសុវត្ថិភាពប៉ុណ្ណោះទេ នាយកដ្ឋានពន្ធដារក៏អាចទទួលបានអត្ថប្រយោជន៍ពីពន្ធលើផលិតផលផងដែរ ខណៈលោកសង្ឃឹមថាការពិភាក្សានេះមានតម្លាភាព ហើយក្រុមការងារនឹងពិចារណាលើមតិសាធារណៈ ហើយបើកចំហដើម្បីទទួលបានដំបូន្មានពីអ្នកប្រើបារីអេឡិចត្រូនិក។
លោកបានសង្កត់ធ្ងន់ថា៖ «ការធ្វើដាក់ផលិតផលបារីអេឡិចត្រូនិកឲ្យស្របច្បាស នឹងជួយឱ្យប្រទេសថៃសម្រេចបាននូវគោលដៅកាត់បន្ថយអ្នកជក់បារី និងការពារអ្នកមិនជក់បារីពីគ្រោះថ្នាក់នៃផ្សែងបារី។”
សមាជិក ECST របស់ Asa គឺលោក Maris Karanyawat និយាយថា ឥឡូវនេះមានការសិក្សាជាច្រើនដែលបង្ហាញថា បារីអេឡិចត្រូនិចគឺជាជម្រើសដែលមានសុវត្ថិភាពជាងចំពោះបារីទូទៅ ដោយវាបានឆ្លុះបញ្ចាំងនៅគោលនយោបាយរបស់ប្រទេសមួយចំនួន ដោយចង្អុលបង្ហាញថា ចក្រភពអង់គ្លេស នូវែលសេឡង់ និងហ្វីលីពីន ទំនងជាលើកកម្ពស់ការប្រើប្រាស់បារីអេឡិចត្រូនិចសម្រាប់អ្នកដែលមិនអាចផ្ដាច់បារីធម្មតាបាន។
គួររំលឹកដែលថា មានប្រទេសជាង៧០ បានធ្វើឱ្យបារីអេឡិចត្រូនិចស្របច្បាប់ព្រោះវាអាចកាត់បន្ថយចំនួនអ្នកជក់បារីបានយ៉ាងគួរឲ្យកត់សម្គាល់ ៕