សាកស្រមៃទៅមើល តើអ្នកធ្លាប់មានថ្ងៃដែលអ្នកមិនសប្បាយចិត្តនូវរឿងស្មុគស្មាញទាំងឡាយជាមួយអ្នកដ៏ទៃ ហើយស្រាប់តែកូនរបស់អ្នកមកលេងក្បែរ មានសំលេងរំខាន អ្នកក៏ចាប់ផ្តើ់មខឹងក្រោធហើយស្រែកស្តីបន្ទោសទៅលើកូនយ៉ាងកំរោល ដោយជួនកាលមានទាំងប្រើអំពើរហឹង្សាទៅលើពួកគេផងដែរ ហើយមួយសន្ទុះក្រោយមក អារម្មណ៍របស់អ្នកត្រជាក់បន្តិច ទើបអ្នកគិតយល់ថាគ្រប់យ៉ាងមិនមែនជាកំហុសរបស់កូនរបស់អ្នកទេ ក្នុងស្ថានភាពបែបនោះ តើអ្នកគួរនិយាយសុំទោសទៅកាន់កូនរបស់អ្នកដែរឬទេ?
ចំលើយ គឺត្រូវតែសុំទោស
មនុស្សពេញវ័យមិនងាយនិយាយពាក្យសុំទោសចំពោះកូនទេ ដោយសារគិតថាវាមិនសាកសម បើទោះបីជាគេដឹងថាពួកគេខុសក៏ដោយ ក៏ប៉ុន្តែនៅពេលអ្នកប្រើពាក្យសុំទោស ព្រមទទួលកំហុសខ្លួន កូនៗនឹងស្វែងយល់ពីអ្នក និង រៀនចេះអភ័យទោសអោយអ្នកដទៃ ហើយនៅថ្ងៃខាងមុខ ពេលដែលគេបានបង្កើតកំហុសអោយនរណាម្នាក់ឈឺចាប់ គេនឹងដឹងពីរប្រៀបក្នុងការសុំទោស។ ពាក្យសុំទោស មិនមែនបញ្ជាក់ថាអ្នកអន់ខ្សោយទេ តែវាសំខាន់ណាស់ក្នុងការបង្រៀនកូនអោយស្គាល់ពីតំលៃនៃពាក្យសុំទោស ដើម្បីដកខ្លួនពីស្ថានភាពដែលឆ្គាំឆ្គង៕
