នៅក្នុងការប្រកួតយប់មិញ រវាង Real Madrid រវាង Elche ដែលបានបញ្ចប់ទៅនៅក្នុងលទ្ធផល ២-២ នោះ បានធ្វើអោយក្រុមអធិរាជសបាត់បង់៣ពិន្ទុដ៏មានសារៈសំខាន់។
អំឡុងការប្រកួតនេះ ខ្សែប្រយុទ្ធ Karim Benzema មានឱកាសទាត់បាល់ពិន័យ១១ម៉ែត្រ ក៏ប៉ុន្តែធ្វើមិនបានសម្រេចនោះទេ ក៏ប៉ុន្តែបែរជាត្រូវក្រុមភ្ញៀវ Elche បើកការនាំមុខពីរគ្រាប់ទៅវិញ។ លុះសល់ដល់១០នាទីចុងក្រោយ Real Madrid ក៏ធ្វើបានល្អមកវិញ ដោយស៊ុតតាមស្មើ២ទល់នឹង២។
ខណៈពេលដែលការប្រកួតកំពុងជក់ចិត្ត ផ្ទះរបស់ Benzema ត្រូវបានគេរាយការណ៍ថាត្រូវបានក្រុមចោរចូលប្លន់ ដោយមិនទាន់មានសេចក្តីរាយការណ៍ច្បាស់លាស់ណាមួយអំពីការខាតបង់នៅឡើងនោះទេ។ គួរបញ្ជាក់ផងដែរថា នៅក្នុងការប្រកួតយប់មិញ Benzema ក៏ត្រូវបានគ្រូបង្វឹកបង្ខំចិត្តដូរចេញតាំងពីនាទី ៥៨៕
ប្រភព: Bleacher Report Football