ក្រុមអ្នកមានបុណ្យ Barcelona ធ្លាក់ចេញពីពានរង្វាន់ Copa De Rey ក្រោយពីបរាជ័យក្រោមថ្វីជើង Athletic Bilbao ក្នុងលទ្ធផល ៣-២។ការប្រកួតចាប់ផ្តើមបានតែ២នាទី ក្រុមម្ចាស់ផ្ទះ Athletic Bilbao ក៏បានបើកការនាំមុខមួយគ្រាប់ មុនពេលដែលកីឡាករចំណូលថ្មី Ferran Torres ស៊ុតតាមស្មើអោយ Barcelona វិញ។ លុះឈានដល់វគ្គទី ២ នាទី ៨៦ កីឡាករ Martinez ក៏ស៊ុតបើកការនាំមុខសារជាថ្មី ២-១។ ក្តីសប្បាយរីករាយនេះមិនបានយូរប៉ុន្មាន ខ្សែបម្រើប្រយុទ្ធ Pedri ក៏បានស៊ុតាមស្មើមកវិញ។
ការប្រកួតបានអូសបន្លាយដល់វគ្គបន្ថែមម៉ោង១៥នាទី ២ដង កីឡាករ Muniain ក៏ស៊ុតគ្រាប់បាល់ជ័យជំនះអោយក្រុម Athletic Bilbao នៅនាទី ១០៥+១ ពីបាល់ពិន័យ១១ម៉ែត្រ។
ក្រោយពីបរាជ័យនេះ ធ្វើអោយ Barcelona នៅសល់តែឱកាសប្រជែងពាន Europa League និង La liga តែប៉ុណ្ណោះ៕