កាលពីយប់មិញ ក្រុមមាន់ខ្នាយមាស Tottenham Hotspur បានវាយបកយកឈ្នះក្រុមម្ចាស់ផ្ទះកញ្ជ្រោង Leicester City ក្នុងលទ្ធផល ៣-២។
នៅក្នុងការប្រកួតននេះ ក្រុមម្ចាស់ផ្ទះ Leicester City បានបើកការនាំមុខមុន ១-០ នៅនាទី២៤ មុនពេលដែល Harry Kane រកបានគ្រាប់បាល់តាមស្មើមកវិញនៅចុងវគ្គទី១។ លុះឈានដល់វគ្គទី២ James Maddison ក៏បានស៊ុតមួយគ្រាប់បើកការនាំមុខសារជាថ្មីអោយក្រុមម្ចាស់ផ្ទះ។ ការប្រកួតបានអូសបន្លាយរហូតដល់នាទី ៩០ ទើបខ្សែប្រយុទ្ធ Bergwijn ដាក់ពីរគ្រាប់ម្នាក់ឯងនៅនាទី ៩០+៥ និង ៩០+៧ ជួយអោយ Spur យកឈ្នះ Leicester នឹងរក្សាកំណត់ត្រាមិនទាន់ចាញ់នៅ Premier League ក្រោមការដឹកនាំរបស់លោក Conte។
បច្ចុប្បន្ន Spur រំកិលខ្លួនឡើងមកលេខ ៥ ដោយមាន ៣៦ពិន្ទុ ពីការប្រកួត១៩លើកកន្លងទៅ។ មិនតែប៉ុណ្ណោះ Spur នៅសល់៣ប្រកួតក្នុងដៃថែមទៀត៕