រាជធានីភ្នំពេញ៖ ប្រិយមិត្តប្រាកដជាបានជ្រាបច្បាស់ហើយពីជីវភាពរស់នៅដ៏មានសុភមង្គលលើទ្រព្យសម្បត្តិយ៉ាងស្ដុកស្ដម្ភរបស់តារាចម្រៀងដ៏ល្បីឈ្មោះប្រចាំផលិតកម្មហង្សមាសគឺ កញ្ញា សួស វីហ្សា ដែលបច្ចុប្បន្នក្រៅពីអាជីពជាអ្នកសិល្បៈអ្នកនាងហាក់បីដូចជាមានការរីកចំរើនខ្លាំងទៅលើវិស័យមុខជំនួញ ដោយអ្នកនាង រួមទាំងស្វាមីបានខិតខំយ៉ាងសស្រាក់ស្រាំមិនថាយប់​ ថ្ងៃ ល្ងាច ដើម្បីចៀសផុតពីការលើកឡើងរបស់មហាជនមួយចំនួន ដែលពួកគេចំណាំនិយាយថា «អ្នកសិល្បះចាំតែសុជំនួយ»។

ជាមួយគ្នានេះដែរ អាចចាត់ទុកបានថាវាគឺជា​លើក​ដំបូង​អ្នកនាង សួ​ស វី​ហ្សា បាន​ចេញ​មុខ​ស្នើ​សុំ​អោយ​មហាជន​មួយ​ចំនួន​ឈប់​ដាក់​សម្ពាធ​មក​លើ​អ្នកសិល្បៈ​ដែល​ចេញ​រកស៊ី​ការងារ​ខាងក្រៅ បន្ថែម​លើ​អាជីព​របស់​ខ្លួន​សម្រាប់​ផ្គត់ផ្គង់​ជីវភាព​។

ជាក់ស្ដែងអ្នកនាងបានលើកឡើងនៅក្នុងបណ្ដាញសង្គមហ្វេសប៊ុកនេះមុននេះបន្តិចថា៖«ទោះជាអ្នកសិល្បះ ទោះជាតារាល្បីរឺមិនល្បី តែពួកយេីងសុទ្ធតែមានគ្រួសារជាបន្ទុកដូចអ្នកទាំងអស់គ្នាដែរ ហេតុនេះចង់សុំអោយអ្នកទាំងអស់គ្នាបេីកចិត្តអោយទូលាយ បេីកផ្លូវ បេីកឱកាស អោយតារាតារាជាច្រេីនដូចពួកយេីងបានចេញមកធ្វេីជំនួញផ្សេងៗ ក៏ដូចជាបានចេញរកសុីផង🙏 សូមឈប់ដាក់សម្ពាធលេីពាក្យថាតារាទេីបតារាលែងមានឈ្មោះថាពេលពិបាកលេីកដៃសុំជំនួយ ពួកយេីងជាតារាសព្វថ្ងៃកំពុងតែប្រឹងប្រែងរកសុីលេីគ្រប់រូបភាព ហេតុតែមិនចង់អោយលឺពាក្យថាតារាតែងតែសុំជំនួយៗពីមាត់មហាជនតទៅទៀតទេ ហេតុនេះចង់សុំចិត្តបងប្អូនទាំងអស់គ្នាថាបេីឃេីញតារាតារាទាំងជេីងចាស់ទាំងថ្មីពួកគាត់កំពុងប្រឹងប្រែងរកសុីហេីយ សូមបេីកផ្លូវអោយគាត់រកសុីទៅ អោយតារាគាត់បានធ្វេីការងារផ្សេងៗពីសិល្បះផងទៅ សំខាន់អោយតែពួកគាត់រកសុីស្របច្បាប់លេីកទឹកចិត្តគាត់ផងទៅចុះ🙏 ដោយក្តីគោរពពីខ្ញុំទាំងពីរ ថមមី វីសា»។

គួរជម្រាបដែលថា កន្លង​មក ក៏​ធ្លាប់​មានការ​រិះគន់​ពី​មហាជន​មួយ​ចំនួន​ក្នុង​ពេល​ដែល​ពួក​គេ​បានឃើញ​អ្នកសិល្បៈ​មួយ​ចំនួន​បាន​ចេញ​មុខ​យ៉ាង​បើកចំហរ​ចំពោះ​ការងារ​ក្រៅ​របស់​ពួក​គេ ក្រៅពី​ការងារ​សិល្បៈ​។ កត្តា​ដែល​គេ​នាំ​គ្នា​រិះគន់​នោះ គឺ​ដោយសារ​អ្នកសិល្បៈ​ខ្លះ​បាន​ងាក​មក​រកស៊ី​មុខរបរ​លក់​អន​ឡ​ញ ឬ​មុខរបរ​តូច​ៗ​មួយ​ចំនួន​ទៀត ដែល​ពួក​គេ​យល់​ថា មិន​សាក​សម​ក្នុង​នាម​ជាតា​រា​ល្បី​ឈ្មោះ​មួយ​រូប​ ៕