ក្រុមអធិរាជស Real Madrid បានបំបាក់ក្រុម Athletic Bilbao ក្នុងលទ្ធផល ២-០ ក្លាយជាម្ចាស់ជើងឯក Spanish Super Cup។
នៅក្នុងការប្រកួតនេះ Real Madrid បានបើកការនាំមុខមុននៅនាទី ៣២ ដោយថ្វីជើងខ្សែបម្រើជើងចាស់ Luka Modric។ លុះឈានដល់វគ្គទី ២ Real Madrid នៅតែបន្តធ្វើបានល្អ ដោយខ្សែប្រយុទ្ធកំពុងឡើងជើង Karim Benzema ក៏បានបន្ថែមគ្រាប់ទី២។
ការប្រកួតអូសបន្លាយរហូតដល់នាទី ៨៧ ខ្សែការពារ Militao ក៏ទទួលបានកាតក្រហម និងបានផ្តល់ប៉េណាល់ទីអោយទៅកាន់ក្រុម Athletic Bilbao ថែមទៀត ក៏ប៉ុន្តែពួកគេមិនអាចទម្លុះសំណាញ់ទី Thibaut Courtois បាននោះទេ។
ឆ្លងតាមជ័យជំនះនេះ វាធ្វើអោយ Real Madrid គ្រងជើងឯក Spanish Super Cup នេះ ដល់ទៅ១២ដង៕