កាលពីយប់មិញ ក្រុមកាំភ្លើងធំ Arsenal បានធ្លាក់ចេញពីពានរង្វាន់ FA Cup ដោយថ្វីជើងក្រុមនៅលីគទី២ Nottingham Forest ក្នុងលទ្ធផល ១-០។
នៅក្នុងការប្រកួតនេះ ក្រុម Arsenal ព្យាមយាមសម្រុក និងស៊ុតជាច្រើនលើកច្រើនសារ ក៏ប៉ុន្តែមិនមានសំណាងទម្លាយសំណាញ់ទីបាននោះទេ។ លុះឈានដល់វគ្គទី២ នាទី៨៣ ទៅហើយក្រុម Nottingham Forest បានដាក់មួយគ្រាប់ជ័យជំនះ ទម្លាក់ Arsenal ត្រឹមជុំទី៣នេះ។
គួរបញ្ជាក់ផងដែរថា កាលពីឆ្នាំ ២០១៨ ក្រុម Nottingham Forest នេះ ក៏បានទម្លាក់ Arsenal ត្រឹមជុំទី៣ នៃពានរង្វាន់ FA Cup នេះផងដែរ៕