រាជធានីភ្នំពេញ៖ កាលពីប៉ុន្មានថ្ងៃមុននេះមហាជនហាក់បីដូចជាមានការផ្ទុះចាប់អារម្មណ៌ខ្លាំងទៅលើតារាចម្រៀងប្រចាំផលិតកម្មរស្មីហង្សមាស អ្នកនាង ពេជ្រ សោភា ដែលអ្នកនាងបានបង្ហោះវីដេអូមួយបង្ហាញពីសកម្មភាពកៀកកើយជាមួយបុរសរូបសង្ហារខ្ពស់ស្រឡះម្នាក់ ក្នុងអំឡូងពេលធ្វើដំណើរកម្សាន្ដនៅលើទឹកដីអង្គរសៀមរាប។
បុរសរូបសង្ហារនេះត្រូវបានគេល្បីថាជាគូស្នេហ៍ថ្មីរបស់អ្នកនាង ពេជ្រ សោភា ខណៈបុរសនេះត្រូវបានគេទម្លាយឱ្យដឹងថា លោកមានឈ្មោះថា យូសេ្វណាង ឈ្មោះពិត ស៊ីន សំណាង មានអាយុ២៧ឆ្នាំ គឺជាតារាម៉ូដែលបុរសមានរូបរាងសង្ហាខ្ពស់ស្រឡះ មួយវិញទៀត យូស្វេលណាង ក៏ជាបេក្ខភាពចូលប្រកួតក្នុងកម្មវិធីចម្រៀងលំដាប់ ពិភពលោក Beat The Beast ផងដែរ។
ជាមួយគ្នានេះដែរ បើតាមប្រភពជិតស្និទ្ធិមួយរបស់លោក ស៊ីន សំណាង បានបង្ហើបប្រាប់ KBN ថា តាមពិតលោក ស៊ីន សំណាង គឺជាអតីតគូស្នេហ៍របស់កញ្ញា លី លីនដា អតីតបេក្ខនារី កម្មវិធី Beat The Best ដែលគេទាំងពីរនាក់ បានបែកគ្នាមួយរយៈធំហើយ។
ប្រភពដដែលបានឲ្យដឹងដែលថា អ្នកនាង ពេជ្រ សោភា ទើបតែបានស្គាល់លោក ស៊ីន សំណាង បានមួយរយៈខ្លីប៉ុណ្ណោះ ពោលគឺក្នុងខណៈដែលលោក ស៊ីន សំណាង បានដាក់ពាក្យប្រឡងក្នុងកម្មវិធីចម្រៀងលំដាប់ ពិភពលោក Beat The Beast ។
តែយ៉ាងណាក៏ដោយចំពោះសាមីខ្លួន អ្នកនាង ពេជ្រ សោភា មិនទាន់បានបញ្ជាក់ជាសាធារណៈថា លោក ស៊ីន សំណាង គឺជាគូស្នេហ៍ថ្មីរបស់នាង ឬយ៉ាងណាទេ ៕
សូមប្រិយមិត្តទសនាវីដេអូរដូចខាងក្រោម៖
