ឈ្លោះគ្នាពេលណា លឺតែពាក្យថា« លែងលះគ្នាទៅ»នេះគឺជាប្រយោគដ៏ឃោឃៅបំផុតសម្រាប់ជិវិតស្រ្តី។វាមិនអីទេ សម្រាប់បុរសដែលចង់ចាកចេញពីប្រពន្ធ ប៉ុន្តែសម្រាប់ស្ត្រីដែលចាកចេញពីប្តីវិញ ត្រូវទទួលរងការរិះគន់ពីសង្គមក្បែរខ្លួន។ហើយមនុស្សប្រុសខ្លះ កុំចេះតែគិតថា នាងមិនហ៊ានលែងលះ ព្រោះតែនាងស្រឡាញ់ងប់ងល់នឹងអ្នកខ្លាំងពេក រហូតមិនអាចបាត់បង់អ្នកបាន ហើយក៏ព្យាយាមធ្វើបាបផ្លូវចិត្ត ដោយពាក្យសំដីគ្រោគគ្រាត តាមការពិតនៅពីក្រោយរឿងរ៉ាវនេះ មនុស្សស្រីនាងអត់ទ្រាំសង្គត់ចិត្តណាស់ ព្រោះស្ថិតនៅក្រោមហេតុផលទាំងនេះ:
១ .ដើម្បីកូន
កូនគឺជាកង្វល់ដ៏ធំបំផុតសម្រាប់ស្រ្តី ភាគច្រើននៅពេលលែងលះ ។មនុស្សស្រីនៅពេលរៀបការហើយ ភាគច្រើនតែងតែភ្លេចពីខ្លួនឯង ហើយធ្វើអ្វីគ្រប់យ៉ាងដើម្បីកូន ហើយខ្លាចការបំផ្លិចបំផ្លាញទឹកចិត្តកូន ដោយសារការបែកគ្នា ធ្វើអោយពួកគេមិនមានឪពុក។តាមការសិក្សា កូនៗពិតជាមានភាពរសើបខ្លាំង ក្រោយពីឪពុកម្តាយ លែងលះគ្នា។
២ . ស្នេហានេះវាស៊ាំទៅហើយ
ពេលខ្លះមនុស្ស ធ្លាប់បានឆ្លងកាត់រឿងរ៉ាវស្នេហាដដែល ហើយគិតចង់ដោះស្រាយ ឬកែលំអ ជាជាងការឈ្លោះប្រកែកគ្នា សុខចិត្តទ្រាំនិងទទួលយកបានទាំងអស់ ។
៣ . ហិរញ្ញវត្ថុមិនគ្រប់គ្រាន់
នេះជាមូលហេតុទូទៅ មួយដែលស្រ្តីមិនហ៊ានចាកចេញពីស្វាមី ។ស្រ្តីជារឿយៗ គឺពឹងផ្អែកលើសា្វមីជាអ្នករកស៊ីចិញ្ចឹមក្នុងគ្រួសារ ដែលជាមូលហេតុពិតប្រាកដមួយដែលមនុស្សស្រីទ្រាំមិនលែងលះពីប្តី។
៤ . មិនចង់ចាប់ផ្តើមស្នេហាម្តងទៀត
ក្រោយរួមរស់ជាមួយគ្នាយូរមកហើយ នាងតែងតែគិតថាវាហួសពេលហើយក្នុងការបោះបង់ចោល រួចមកចាប់ផ្តើមជាថ្មីម្តងទៀតទេ ទើបនាងប្រកាន់ខ្ជាប់ពាក្យថាមិនលែងលះ ៕
