រាជធានីភ្នំពេញ ៖ នៅប្រទេសកម្ពុជាយើង មិនត្រឹមតែមានឆ្នេរសមុទ្រស្រស់ស្អាត សមនឹងពាក្យ «តារារះនៅទិសនិរតី » សម្រាប់ទាក់ទាញភ្ញៀវទេសចរជាតិ និងអន្តរជាតិប៉ុណ្ណោះទេ តែនៅក្នុងទឹកសមុទ្រវិញ ក៏មានតំបន់ផ្កាថ្មស្អាតៗ និងជីវចម្រុះ ដ៏សម្បូរបែប ជាពិសេស នៅក្នុងខេត្តកែប , ខេត្តកំពត, ខេត្តព្រះសី និងខេត្តកោះកុង។
យោងតាមគណនីហ្វេសប៊ុក ឯកឧត្តម នេត្រ ភក្រ្តា រដ្ឋលេខាធិការក្រសួងបរិស្ថាន បានបង្ហោះថា «ដំណើរឆ្ពោះទៅមហាសន្និបាតសមុទ្រអាស៊ីបូព៌ា ឆ្នាំ២០២១ មកយល់ដឹងអំពីធនធានសមុទ្រកម្ពុជា។
យោងតាមរបាយការណ៍ស្ថានភាពបរិស្ថាន និងសេដ្ឋកិច្ចសង្គមតំបន់ឆ្នេរសមុទ្រកម្ពុជា លើកទី២ ឆ្នាំ២០០៧ កម្ពុជាមានតំបន់ផ្កាថ្ម នៅក្នុងដែនសមុទ្ររបស់ខ្លួនទំហំ២៨០៦ហិកតា ក្នុងនោះខេត្តកែប មានទំហំ ៥២,៥ហិកតា ខេត្តកំពត មានទំហំ៩៥៣ហិកតា ខេត្តព្រះសីហនុ មានទំហំ១១៩៨ហិកតា និងខេត្តកោះកុងមានទំហំ៦០២ហិកតា។ ទិន្នន័យនេះ អាចមានការកើនឡើងទៀត ព្រោះមានតំបន់មួយចំនួនមិនទាន់បានសិក្សាស្រាវជ្រាវនៅឡើយពីវត្តមានផ្កាថ្ម»៕
Home ព័ត៌មានជាតិ