កាលពីម្សិលមិញ ការចាប់ឆ្នោតបែងចែកការប្រកួតវគ្គជម្រុះ (Playoff) នៅតំបន់អឺរ៉ុប សម្រាប់ World Cup ២០២២ បានប្រព្រឹត្តិទៅយ៉ាងរលូន។
ក្នុងការចាប់ឆ្នោត យើងឃើញថាព័រទុយហ្គាល់ ត្រូវជួបជាមួយតួកគី ដោយឡែកអុីតាលីត្រូវជួបប្រទេសម៉ាសេដូនខាងជើង។ ក្នុងករណីដែលព័រទុយហ្គាល់ឈ្នះតួកគី និងអុីតាលីឈ្នះម៉ាសេដូនខាងជើង នោះអ្នកទាំងនឹងត្រូវជួបគ្នា ដើម្បីដណ្តើមកៅអីទៅ World Cup ២០២២ នៅហ្គាតា។
គួរបញ្ជាក់ផងដែរថា បច្ចុប្បន្ននៅតំបន់អឺរ៉ុបនៅសល់ ១២ប្រទេសទៀតកំពុងត្រៀមប្រកួតជម្រុះ(រួមជាមួយព័រទុយហ្គាល់ និងអុីតាលី) ប៉ុន្តែមានតែ៣ប្រទេស ប៉ុណ្ណោះដែលនឹងមានកៅអីទៅ World ២០២២៕