បន្ទាប់ពីក្រុមបិសាចក្រហម Manchester United បញ្ចប់តួនាទីលោក Ole ជាអ្នកចាត់ក្រុមរួចមក ពេលនេះក្រុមម្ចាស់ជើងឯក UEFA Champion League ៣សម័យ បានឈានដល់កិច្ចព្រមព្រៀងនាំយកអតីតគ្រូបង្វឹកក្រុម RB Leipzig គឺលោក Ralf Rangnick មកធ្វើជាគ្រូបណ្តោះអាសន្ន។
បច្ចុប្បន្ន លោក Ralf Rangnick ជាប្រធានផ្នែកអភិវឌ្ឍន៍កីឡានៅក្រុម Lokomotiv Moscow នៅលីគកំពូលប្រទេសរុស្សុី។ បុរសវ័យ ៦៣ឆ្នាំ បានចុះកុងត្រារយៈពេលត្រឹមតែ៦ខែប៉ុណ្ណោះ ពោលគឺលោកកាន់ដំណែងរហូតដល់ខែឧសភា ឆ្នាំ ២០២២៕
គួរបញ្ជាក់ផងដែរថាក្រោយពីការបញ្ចប់តួនាទីលោក Ole ក្រុម Man Utd បានតែងតាំងលោក Carrick ជាអ្នកចាត់ការបានមួយប្រកួតផងដែរ ដោយបានយកឈ្នះ Villarreal ២-០៕
